Bas qujattyń aiasynda taraptar ókilettik sheńberinde dini qyzmet salasynda ózara árekettese otyryp, memorandýmda kózdelgen sharalardy birlesip iske asyratyn bolady.
Taiaý bolashaqta eki jaq beibitshilikti jáne konfessiiaaralyq kelisimdi nasihattaýǵa, dini ekstremizm jáne terrorizmge qarsy baǵyttalǵan is-sharalar ótkizip, ǵylymi-metodikalyq seminarlarda, praktikalyq konferentsiialarmen qatar osy saladaǵy bilimderi men tájiribelerimen bólisedi.
Sondai-aq, Almaty oblysynyń turǵyndaryn radikaldy aǵymdardyń yqpalynan saqtandyrý aiasynda birlesken aqparattyq-túsindirý jumystaryn júrgizip, dini qyzmet salasyndaǵy ózekti máseleler týraly ádisteme-anyqtamalyq materialdardy birigip ázirleýge qulyq tanytyp otyr.
Memorandýmdaǵy kelesi bir baǵyt – internet keńistigindegi destrýktivti kontentterdiń taralý aiasyn shekteý. Osynyń tóńireginde taldaý, monitoring jumystaryn qolǵa alynyp, áleýmettik jelilerde qarsynasihattyq sharalar júieli túrde iske aspaq.
Qos taraptyń ýaǵdalastyǵynyń sheńberinde Almaty oblysy «Din salasyndaǵy máselelerdi zertteý ortalyǵy» KMM Ortalyq mamandary men tiisti azamattardyń (QMDB ókilderin) is-tájiribeden ótýine múmkindik týǵyzýy qajet. Munymen qosa, aimaqta dini uiymdardyń jumysy jaily zertteý jáne dini ahýalǵa analiz júrgizýdi qamtamasyz etetin bolady, tipti jastar arasynda metodikalyq jumys júrgizý tásilin jetildirýge yqpal etpek.
– Bizdiń ortalyq óńirlik aqparattyq-túsindirý toptaryna akademiia tarapynan kórsetiletin jumystarǵa tiisti ádistemelik qoldaý kórsetedi jáne Ortalyq tarapynan uiymdastyrylatyn túrli is-sharalarǵa akademiia qyzmetkerleriniń qatysýyn qamtamasyz etemiz, – dep atap ótti Din salasyndaǵy máselelerdi zertteý ortalyǵynyń direktory Saǵynysh Jańabai.
Aita keteiik, eki tarap bul Memorandýmda kórsetilgen suraqtar boiynsha ózara qarym-qatynasty ózderine bekitilgen ýákiletti ókil arqyly jasaidy, týyndaǵan suraqtar jáne birikken is-sharalar ótkizý máselesi taraptarmen tabystalǵan. Bul memorandýmǵa engiziletin barlyq ózgerister men tolyqtyrýlar jazbasha túrde jáne taraptar kelisimimen júzege asady.
