بيلٸك حالىق الدىندا مىنا سۇراقتارعا اشىق ەرٸ شىنايى جاۋاپ بەرۋگە تيٸس:
1. قاڭتار وقيعاسىندا بيلٸكتٸ كٷشپەن تارتىپ الۋ بويىنشا تۇتقىندالىپ, تەرگەۋدە وتىرعان مەسٸموۆتىڭ ارعى جاعىندا كٸمدەر تۇر? تاپسىرىس بەرۋشٸ كٸم? بيلٸك ۋاقىت سوزىپ بارىپ, مەسەلەنٸ مەسٸموۆپەن عانا تٷيٸندەسە, بۇل زامانبەككە ٶز-ٶزٸنە ٷش رەت وق اتقىزعاننان دا بەتەر ٶتٸرٸك بولادى.
2. 238 ادام قازا تاپقان قاسٸرەتتٸ قاڭتار وقيعاسىنىڭ تەرگەۋٸ نەلٸكتەن جابىق ٶتۋدە? تەرگەۋدە وتىرعان مەسٸموۆ پەن ونىڭ سىبايلاستارى نەگٸزگٸ تاپسىرىس بەرۋشٸنٸ جارييا ەتٸپ جٸبەرە مە دەگەن ساقتىق پا?
3. حالىقتى ارانداتتى, قارۋ قولداندى دەلٸنگەن بانديتتەر كٸمدەر? نەشەۋٸ تۇتقىندالىپ, قانشاۋى وققا ۇشتى? قاشىپ كەتكەندەر شە?
4. ابايسىزدا وققا ۇشتى دەلٸنگەن بەيبٸت ازاماتتاردىڭ وتباسىنا قۇن تٶلەندٸ مە? ولاردىڭ وتباسىنان رەسمي تٷردە كەشٸرٸم سۇرالا ما?
5. التىنشى قاڭتار كٷنٸ "بٸز بەيبٸت حالىقپىز, بٸز قاراپايىم حالىقپىز, بٸز تەرروريست ەمەسپٸز” دەگەن جازۋى بار ٷلكەن پلاكاتپەن الاڭدا تۇرعان بەيبٸت حالىققا ەشبٸر ەسكەرتۋ جاسالماستان, تٸلدەسٸپ سٶيلەسپەستەن ەسكەريلەردٸڭ وق اتقاندىعى جايلى كۋەگەرلەردٸڭ سٶزدەرٸ, تٷسٸرٸلگەن بەينە ٷزٸندٸلەرٸ بويىنشا تەرگەۋ جۇمىسى جٷرگٸزٸلدٸ مە? انىق-قانىعى ايعاقتارمەن راستالدى ما? الاڭدا بٸردە-بٸر بەينەباقىلاۋدىڭ بولماۋى مٷمكٸن ەمەس قوي! كۋەگەرلەردٸڭ ايتقانىنداي ەسكەريلەردٸڭ بەيبٸت حالىققا وق اتقاندارى راس بولسا, ول جەردە جازسىقسىز قانشا ادام مەرت بولدى? وق اتقان كٸمدەر? بۇعان كٸم جاۋاپتى?
6. بٷكٸل ەلدٸڭ جارتى بايلىعىن 162 ادام يەمدەنٸپ وتىرعانىن پرەزيدەنتتٸڭ ٶزٸ اشىق ايتقان بولاتىن. 162 ادام, ولار كٸمدەر? 30 جىل بويى بايلىققا ەدٸلەتسٸز جولمەن يەلٸك ەتكەن وليگارحتار ەلٸ كٷنگە دەيٸن نەلٸكتەن جاۋاپقا تارتىلمايدى?
وسى سەكٸلدٸ قاڭتار كٶتەرٸلٸسٸنە جەنە وتىز جىلدىق توناۋعا قاتىستى سۇراقتارعا اشىق ەرٸ شىنايى جاۋاپ بەرٸلمەيٸنشە حالىق پەن بيلٸك اراسىندا ەشقاشان سەنٸم ورنامايدى. ال سەنٸم جوق جەردە دامۋ دا, تۇراقتىلىق تا بولمايدى. قانشا ۋاقىت ٶتسە دە, بيلٸك وسى سۇراقتارمەن ىلعي بەتپە-بەت كەلەتٸن بولادى. تاريح الدىندا, ۇرپاق الدىندا, اقىرەتتە مٸندەتتٸ تٷردە سۇراۋى بولادى.
ەدٸلەتتٸ قازاقستاننىڭ ٸرگەتاسى قاڭتار كٶتەرٸلٸسٸنٸڭ ەدٸل تەرگەلۋٸندە جاتىر.
قايرات جولدىباي, دٸنتانۋشى, قوعام قايراتكەرٸ
اۆتوردىڭ جەلٸدەگٸ پاراقشاسىنان
https://dalanews.kz/main-news/83652-qazirgi-zaman-reaktorlarynyng-qauips
