قازاقستان مەن بەلارۋس كومپانييالارى اراسىندا جالپى قۇنى 100 ملن دوللاردان اساتىن كەلٸسٸمشارتتار جاسالدى. بۇل تۋرالى ساۋدا جەنە ينتەگراتسييا مينيسترٸ ارمان شاققاليەۆ مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, قازاقستان پرەمەر-مينيسترٸ ولجاس بەكتەنوۆتٸڭ مينسك قالاسىنا جاساعان رەسمي ساپارى اياسىندا ەكٸ ەل اراسىنداعى ساۋدا-ەكونوميكالىق ىنتىماقتاستىقتى نىعايتۋ مەسەلەلەرٸ تالقىلانعان.
«2025 جىلدىڭ قورىتىندىسى بويىنشا قازاقستان مەن بەلارۋس اراسىنداعى تاۋار اينالىمى شامامەن 1,2 ملرد دوللاردى قۇرادى. بيىلعى جەتٸ ايدىڭ نەتيجەسٸندە ەكسپورت كٶلەمٸ 35 پايىزدان استام ٶستٸ. پرەمەر-مينيستردٸڭ ساپارى بارىسىندا قۇنى 100 ملن دوللاردان اساتىن كەلٸسٸمدەرگە قول قويىلدى. ونىڭ ٸشٸندە ٶنەركەسٸپتٸك كووپەراتسييا جوبالارى مەن بەلارۋسكە اۆتوكٶلٸك جەتكٸزۋ تۋرالى كەلٸسٸمدەر بار. سونداي-اق ٶنەركەسٸپتٸك ەرٸپتەستٸك پەن اگروٶنەركەسٸپتٸك ٶنٸمدەردٸ ٶزارا جەتكٸزۋگە ەرەكشە نازار اۋدارىلدى», – دەدٸ ارمان شاققاليەۆ.
اتاپ ايتقاندا, «Hyundai Trans Auto» جشس بەلارۋستٸڭ «ەر سي ەم» كومپانيياسىنا 2027–2028 جىلدارى 790 بٸرلٸك كوممەرتسييالىق تەحنيكا جەتكٸزەدٸ. كەلٸسٸمشارتتىڭ قۇنى كەمٸندە 30 ملن دوللاردى قۇرايدى.
ساۋدا جەنە ينتەگراتسييا مينيسترلٸگٸنٸڭ مەلٸمەتٸنشە, قازاقستاندىق اۆتوكٶلٸك ٶندٸرۋشٸلەرٸنٸڭ بەلارۋس نارىعىنداعى راستالعان ەكسپورتتىق ەلەۋەتٸ جىلىنا 4,5 مىڭ تەحنيكاعا دەيٸن جەتەدٸ. بۇدان بٶلەك, تاراپتار بەلارۋسكە قازاقستاندىق سۋسىندار مەن باسقا دا ٶنٸمدەردٸ جەتكٸزۋ جٶنٸندە كەلٸسٸمگە كەلگەن.
ۆەدومستۆونىڭ مەلٸمەتٸنشە, ەكٸ ەل اراسىنداعى ىنتىماقتاستىقتىڭ نەگٸزگٸ باعىتتارىنىڭ بٸرٸ ٶنەركەسٸپتٸك كووپەراتسييانى دامىتۋ جەنە ٶزارا تاۋار جەتكٸزۋ كٶلەمٸن ارتتىرۋ بولىپ قالا بەرەدٸ.
