Bilik halyq aldynda myna suraqtarǵa ashyq ári shynaiy jaýap berýge tiis:
1. Qańtar oqiǵasynda bilikti kúshpen tartyp alý boiynsha tutqyndalyp, tergeýde otyrǵan Másimovtyń arǵy jaǵynda kimder tur? Tapsyrys berýshi kim? Bilik ýaqyt sozyp baryp, máseleni Másimovpen ǵana túiindese, bul Zamanbekke óz-ózine úsh ret oq atqyzǵannan da beter ótirik bolady.
2. 238 adam qaza tapqan qasiretti qańtar oqiǵasynyń tergeýi nelikten jabyq ótýde? Tergeýde otyrǵan Másimov pen onyń sybailastary negizgi tapsyrys berýshini jariia etip jibere me degen saqtyq pa?
3. Halyqty arandatty, qarý qoldandy delingen banditter kimder? Nesheýi tutqyndalyp, qanshaýy oqqa ushty? Qashyp ketkender she?
4. Abaisyzda oqqa ushty delingen beibit azamattardyń otbasyna qun tólendi me? Olardyń otbasynan resmi túrde keshirim surala ma?
5. Altynshy qańtar kúni "biz beibit halyqpyz, biz qarapaiym halyqpyz, biz terrorist emespiz” degen jazýy bar úlken plakatpen alańda turǵan beibit halyqqa eshbir eskertý jasalmastan, tildesip sóilespesten áskerilerdiń oq atqandyǵy jaily kýágerlerdiń sózderi, túsirilgen beine úzindileri boiynsha tergeý jumysy júrgizildi me? Anyq-qanyǵy aiǵaqtarmen rastaldy ma? Alańda birde-bir beinebaqylaýdyń bolmaýy múmkin emes qoi! Kýágerlerdiń aitqanyndai áskerilerdiń beibit halyqqa oq atqandary ras bolsa, ol jerde jazsyqsyz qansha adam mert boldy? Oq atqan kimder? Buǵan kim jaýapty?
6. Búkil eldiń jarty bailyǵyn 162 adam iemdenip otyrǵanyn prezidenttiń ózi ashyq aitqan bolatyn. 162 adam, olar kimder? 30 jyl boiy bailyqqa ádiletsiz jolmen ielik etken oligarhtar áli kúnge deiin nelikten jaýapqa tartylmaidy?
Osy sekildi qańtar kóterilisine jáne otyz jyldyq tonaýǵa qatysty suraqtarǵa ashyq ári shynaiy jaýap berilmeiinshe halyq pen bilik arasynda eshqashan senim ornamaidy. Al senim joq jerde damý da, turaqtylyq ta bolmaidy. Qansha ýaqyt ótse de, bilik osy suraqtarmen ylǵi betpe-bet keletin bolady. Tarih aldynda, urpaq aldynda, aqyrette mindetti túrde suraýy bolady.
Ádiletti Qazaqstannyń irgetasy qańtar kóterilisiniń ádil tergelýinde jatyr.
Qairat JOLDYBAI, dintanýshy, qoǵam qairatkeri
Avtordyń jelidegi paraqshasynan
https://dalanews.kz/main-news/83652-qazirgi-zaman-reaktorlarynyng-qauips
