وعان كوز جەتكىزۋ ءۇشىن قىز-كەلىنشەكتەر بەتىن سۇرتەتىن ماقتا ديسكلەرىنىڭ ورتاسىن اشىپ قاراساڭىز، اراسىندا شاڭ-توزاڭدى بايقاۋعا بولادى ەكەن. تازالىق ساقتاۋعا قاجەتتى كوسمەتيكالىق زاتتاردىڭ ءبارىن ءبىرىنشى سورتتى، ساپاسى جوعارى ماقتادان جاساۋ كەرەك ەكەن. دەگەنمەن سىرت ەلدەردەگى كاسىپورىندار ونى ساقتاي بەرمەيتىنى جاسىرىن ەمەس.
وسى رەتتە ماقتا وڭدەۋ سالاسىندا ۇزاق جىلدان بەرى جۇمىس ىستەپ كەلە جاتۇان تۇركىستان ماقتا زاۋىتىنىڭ ديرەكتورى مارات مولدىمانوۆقا «ەلىمىزدە بۇل باعىتتا سىزدەرمەن باسەكەلەسەتىن كاسىپورىندار بار ما؟» دەپ سۇراق قويعانىمىزدا مىناداي جاۋاپ الدىق.
– بۇگىندە ماقتانى وڭدەۋ ىسىمەن اينالىساتىن كاسىپورىندار جەتىساي اۋداندا، جامبىل وبلىسىنىڭ قورداي اۋدانىندا اشىلعان. قازىرگى تاڭدا ءبىزدىڭ جۇمىسىمىز ماقتا باعاسىنا تىكەلەي بايلانىستى. بيىل ماقتانىڭ ءبىر تونناسى 1800 دوللاردى قۇرادى. بۇدان باسقا قازاقستاننىڭ نارىعىنا كورشىلەس وزبەكستاننان ماقتانىڭ قالدىقتارى كوپ كىرەدى. ونىڭ باعاسى ارزان. سوندىقتان كەيبىر ماقتا زاۋىتتارى كورشى ەلدەن كەلگەن ساپاسى تومەن ماقتادان ءونىم دايىنداۋعا تىرىسادى. بۇل ءوز كەزەگىندە تاۋاردىڭ ساپاسىنا كەرى اسەر ەتەتىنى بەلگىلى. ال بىزدەر تاۋارىمىزدىڭ ساپاسىن تومەندەتپەۋ ءۇشىن ءبىرىنشى سورتتى ماقتانى پايدالانۋعا تىرىسامىز، – دەپ كوكەيدە جۇرگەن ويىن ورتاعا سالدى.
وكىنىشكە وراي، ەلىمىزدەگى تۇتىنۋشىلاردىڭ كوپشىلىگى ءبىرىنشى سورتتى ماقتا مەن ماقتا قالدىعىنان دايىندالعان ءونىمدى اجىراتا بەرمەيدى ەكەن.
Dalanews.kz
