ساۋد ارابيياسىنىڭ استاناسى ەر-رييادتاعى كورول حاليد حالىقارالىق ەۋەجايىنا جاسالعان شابۋىلداردان كەيٸن جٷزدەگەن رەيس توقتاتىلدى, دەپ حابارلايدى dalanews.kz.
ەلدٸڭ ازاماتتىق اۆياتسييا سالاسىنداعى بيلٸگٸنٸڭ مەلٸمەتٸنشە, شابۋىلدار سالدارىنان ٷش ساۋدييالىق ازامات قازا تاۋىپ, بٸرنەشە ادام جاراقات العان. وقيعاعا بايلانىستى بٸرقاتار حالىقارالىق ەۋە كومپانيياسى ەر-رييادقا قاتىنايتىن رەيستەرٸن ۋاقىتشا توقتاتتى.
ساۋد ارابيياسىنىڭ ازاماتتىق اۆياتسييا جٶنٸندەگٸ باس باسقارماسى 9 قازاندا جارييالاعان مەلٸمەتكە سەيكەس, 8 قازاندا كورول حاليد حالىقارالىق ەۋەجايىنا ەكٸ شابۋىل جاسالعان. العاشقى شابۋىل ەۋەجاي ينفراقۇرىلىمىنا باعىتتالسا, ەكٸنشٸسٸ Saudia ۇلتتىق ەۋە كومپانيياسىنىڭ ۇشاعىنا تيگەن. شابۋىلدار سالدارىنان ٷش ساۋدييالىق ازامات قازا تاۋىپ, تٷرلٸ ۇلت ٶكٸلدەرٸ اراسىنان بٸرنەشە ادام جاراقات العان. زارداپ شەككەندەر اۋرۋحاناعا جەتكٸزٸلگەن, ال ەۋەجاي نىساندارى مەن مٷلٸككە ماتەريالدىق زالال كەلگەن.
بۇعان دەيٸن ساۋد ارابيياسىنىڭ بيلٸگٸ ەر-رييادتاعى جەنە ەلدٸڭ وڭتٷستٸك-باتىسىنداعى ابحا حالىقارالىق ەۋەجايىنا جاسالعان سوققىلاردان ٷش ادامنىڭ قازا تاۋىپ, 36 ادامنىڭ جارالانعانىن حابارلاعان. بۇل دەرەك ەۋەجايلارعا جاسالعان شابۋىلداردىڭ سالدارى ەلدٸڭ بٸرنەشە ٶڭٸرٸنە ەسەر ەتكەنٸن كٶرسەتەدٸ.
يەمەندەگٸ يران قولدايتىن حۋسيتتەر ەر-ريياد ەۋەجايىنا جاسالعان شابۋىلدارعا جاۋاپكەرشٸلٸكتٸ ٶز موينىنا العان. توپ ٶكٸلدەرٸ بالليستيكالىق زىمىراندار مەن باسقا دا قارۋ تٷرلەرٸن قولدانعانىن مەلٸمدەدٸ. الايدا ولار ٶز مەلٸمدەمەلەرٸن راستايتىن دەلەلدەر ۇسىنباعان. ساۋد ارابيياسى بيلٸگٸ دە شابۋىلداردىڭ بارلىق مەن-جايىنا قاتىستى تولىق اقپاراتتى بٸردەن جارييالامادى.
293 رەيس توقتاتىلدى نەمەسە ورىندالمادى
Cirium اۆياتسييالىق تالداۋ كومپانيياسىنىڭ دەرەكتەرٸنە سەيكەس, 8 قازاندا ەر-ريياد ەۋەجايىندا جوسپارلانعان 747 ۇشۋدىڭ 293-ٸ ورىندالماعان. ونىڭ ٸشٸندە 378 جوسپارلانعان رەيستٸڭ 169-ى توقتاتىلعان نەمەسە ورىندالماعان رەيستەر رەتٸندە تٸركەلگەن. ال ەۋەجايعا كەلۋگە تيٸس 369 رەيستٸڭ 124-ٸ ورىندالماعان. وسىلايشا, جوسپارلانعان رەيستەردٸڭ شامامەن 39%-ى بۇزىلعان.
ەڭ كٶپ ٶزگەرٸس ساۋد ارابيياسىنىڭ ۇلتتىق تاسىمالداۋشىسى Saudia ەۋە كومپانيياسىنىڭ كەستەسٸندە تٸركەلگەن. كومپانييانىڭ 140 ۇشۋ رەيسٸنٸڭ 97-سٸ, ال كەلۋگە تيٸس 136 رەيسٸنٸڭ 87-سٸ توقتاتىلعان نەمەسە ورىندالماعان. ەلدٸڭ باسقا تاسىمالداۋشىلارى Flynas پەن Flyadeal كومپانييالارى دا رەيستەرٸنٸڭ بٸر بٶلٸگٸن توقتاتۋعا مەجبٷر بولعان.
حالىقارالىق ەۋە كومپانييالارى دا قاۋٸپسٸزدٸك جاعدايىنا بايلانىستى شەشٸم قابىلداعان. Lufthansa Group ەر-رييادقا رەيستەرٸن 16 قازانعا دەيٸن توقتاتاتىنىن مەلٸمدەگەن. Air India ساۋد ارابيياسىنىڭ استاناسىنا قاتىنايتىن رەيستەرٸن ۋاقىتشا توقتاتسا, IndiGo مەن Akasa Air دە ۇشۋ كەستەسٸنە ٶزگەرٸس ەنگٸزگەن. تٷرٸك ەۋە جولدارىنىڭ ەر-رييادقا جوسپارلانعان رەيستەرٸنٸڭ دە بٸر بٶلٸگٸ ورىندالماعان.
ەۋە قاتىناسىنداعى ٷزٸلٸستەر جولاۋشىلاردىڭ ساپار جوسپارىنا ەسەر ەتٸپ, كەيبٸر رەيستەردٸڭ كەشٸگۋٸنە جەنە قايتا جوسپارلانۋىنا ەكەلگەن. اقش-تىڭ ەر-رييادتاعى ەلشٸلٸگٸ دە ازاماتتارعا ىقتيمال رەيس توقتاتۋلارى مەن ەۋە كەڭٸستٸگٸندەگٸ شەكتەۋلەردٸ ەسكەرٸپ, ۇشۋ مەرتەبەسٸن ەۋە كومپانييالارى ارقىلى الدىن الا تەكسەرۋگە كەڭەس بەرگەن.
ەۋەجاي جۇمىسى قايتا جانداندى
ساۋد ارابيياسىنىڭ ازاماتتىق اۆياتسييا جٶنٸندەگٸ باس باسقارماسى تٶتەنشە جاعداي قىزمەتتەرٸ مەن تيٸستٸ ورگاندار شابۋىلداردان كەيٸن بٸردەن ەرەكەت ەتكەنٸن حابارلادى. ۆەدومستۆو زالال كٶلەمٸن باعالاۋ جەنە جولاۋشىلار مەن ەۋەجاي قىزمەتكەرلەرٸنٸڭ قاۋٸپسٸزدٸگٸن قامتاماسىز ەتۋ جۇمىستارى جالعاسىپ جاتقانىن مەلٸمدەدٸ.
بيلٸكتٸڭ 9 قازانداعى اقپاراتى بويىنشا, ەۋەجاي جۇمىسى قايتا جاندانىپ, ەۋە قوزعالىسى قالىپتى رەجيمگە ورالعان. دەگەنمەن حالىقارالىق تاسىمالداۋشىلاردىڭ كەيبٸرٸ رەيستەردٸ ۋاقىتشا توقتاتۋ تۋرالى شەشٸمٸن ساقتاپ وتىر. سوندىقتان جولاۋشىلارعا بيلەت ساتىپ العان ەۋە كومپانيياسىنان رەيستٸڭ ناقتى مەرتەبەسٸن تەكسەرۋ ۇسىنىلادى.
ساۋد ارابيياسىنداعى ەۋەجايلارعا جاسالعان شابۋىلدار يەمەندەگٸ قاقتىعىس اياسىندا تاياۋ شىعىستاعى قاۋٸپسٸزدٸك مەسەلەسٸن قايتا ۋشىقتىردى. ەۋە ينفراقۇرىلىمىنا تٶنگەن قاۋٸپ حالىقارالىق تاسىمالعا ەسەر ەتٸپ قانا قويماي, ايماقتاعى ەسكەري شيەلەنٸستٸڭ ازاماتتىق اۆياتسيياعا ىقپالىن دا كٶرسەتتٸ.
