مەجٸلٸس سپيكەرٸ بەيسەن قۇرانبەكتٸڭ جارىنا «پارلامەنت سٶزٸ» ارنايى سىيلىعىن تابىس ەتتٸ
ٶز كەزەگٸندە بەيسەن قۇرانبەكتٸڭ زايىبى گٷلميرا قادىرقىزى تەبٸرەنە سٶز سٶيلەپ, ەل ازاماتتارىنىڭ جىلى سٶزٸ ٶزٸ مەن وتباسىنا قانشالىقتى دەمەۋ بولعانىن ايتتى.
–ارمىسىزدار, اعايىن! بەيسەن بٸر سۇحباتىندا جۋرناليست قانداي بولۋى كەرەك جەنە ونىڭ ەڭ جوعارى ناگراداسى قانداي دەگەن سۇراققا بىلاي دەپ جاۋاپ بەرٸپتٸ. جاقسى جازۋ, ەدەمٸ سٶيلەۋدٸ ٷيرەنٸپ الۋعا بولادى, ۋاقىت ٶتە كەلە تەجٸريبە مەن شەبەرلٸك تە شىڭدالادى. ەڭ باستىسى جۋرناليست بەي-جاي, ەنجار, بەيقام بولماۋى كەرەك. ول حالىقتىڭ جاناشىرى بولۋى تيٸس. جەنە جۋرناليست ٷشٸن ەڭ بيٸك ماراپات ول حالىقتىڭ ىقىلاسى. ەگەر سەن جاساعان سيۋجەت, دايىنداعان حابار بٸر ادامعا بولسا دا پايداسى تيسە, تٷيٸندٸ مەسەلەسٸن شەشۋگە كٶمەكتەسسە, وندا مٸندەتٸڭ ورىندالعانى, ەڭبەگٸڭنٸڭ اقتالعانى دەگەن ەكەن.
بەيسەكەڭ سىرقاتتانىپ جاتقاندا ونىڭ ادال دوستارى, ەرٸپتەستەرٸ, ٶمٸر جولىنداعى ۇستازدارى, ٶزٸ باۋلىعان شەكٸرتتەرٸ جان-جاعىنان قاۋمالاپ كٶمەكتەسٸپ جٷردٸ. ول كٸسٸ ٶمٸردەن ٶتكەن سوڭ دا سول دەمەۋدٸ, قولداۋدى ەلٸ سەزٸپ كەلەمٸز. ەلباسىمىز بەن پرەزيدەنتٸمٸز باستاعان ەلٸمٸزدٸڭ يگٸ جاقسىلارى كٶڭٸلدەرٸن بٸلدٸرٸپ جاتىر, اقپارات جەنە قوعامدىق دامۋ مينيسترلٸگٸ «جٸگەر» سىيلىعىن تاعايىندادى, الماتى وبلىسىنىڭ ەكٸمدٸگٸ «جەتٸسۋ» تەلەارناسىنىڭ تٶرٸنەن مۋزەي اشۋ يدەياسىنا قولداۋ كٶرسەتتٸ. بٷگٸنگٸ ٶزدەرٸڭٸز تابىستاپ وتىرعان «پارلامەنت سٶزٸ» ماراپاتتارىڭىز دا ۇلتىنىڭ سٷيٸكتٸ ۇلىنا كٶرسەتكەن ىستىق ىقىلاسى دەپ بٸلەمٸز جەنە سول پەيٸلدەرٸڭٸز ٷشٸن وتباسىمىزدىڭ, ەۋلەتٸمٸزدٸڭ اتىنان جەنە «جەتٸسۋ» تەلەارناسى مەن «Qareket» ۇجىمىنىڭ اتىنان العىسىمىزدى بٸلدٸرەمٸن – دەدٸ گٷلميرا زەرباي.
