Májilis spikeri Beisen Quranbektiń jaryna «Parlament sózi» arnaiy syilyǵyn tabys etti
Óz kezeginde Beisen Quranbektiń zaiyby Gúlmira Qadyrqyzy tebirene sóz sóilep, el azamattarynyń jyly sózi ózi men otbasyna qanshalyqty demeý bolǵanyn aitty.
–Armysyzdar, aǵaiyn! Beisen bir suhbatynda jýrnalist qandai bolýy kerek jáne onyń eń joǵary nagradasy qandai degen suraqqa bylai dep jaýap beripti. Jaqsy jazý, ádemi sóileýdi úirenip alýǵa bolady, ýaqyt óte kele tájiribe men sheberlik te shyńdalady. Eń bastysy jýrnalist bei-jai, enjar, beiqam bolmaýy kerek. Ol halyqtyń janashyry bolýy tiis. Jáne jýrnalist úshin eń biik marapat ol halyqtyń yqylasy. Eger sen jasaǵan siýjet, daiyndaǵan habar bir adamǵa bolsa da paidasy tise, túiindi máselesin sheshýge kómektesse, onda mindetiń oryndalǵany, eńbegińniń aqtalǵany degen eken.
Beisekeń syrqattanyp jatqanda onyń adal dostary, áriptesteri, ómir jolyndaǵy ustazdary, ózi baýlyǵan shákirtteri jan-jaǵynan qaýmalap kómektesip júrdi. Ol kisi ómirden ótken soń da sol demeýdi, qoldaýdy áli sezip kelemiz. Elbasymyz ben Prezidentimiz bastaǵan elimizdiń igi jaqsylary kóńilderin bildirip jatyr, Aqparat jáne qoǵamdyq damý ministrligi «Jiger» syilyǵyn taǵaiyndady, Almaty oblysynyń ákimdigi «Jetisý» telearnasynyń tórinen mýzei ashý ideiasyna qoldaý kórsetti. Búgingi ózderińiz tabystap otyrǵan «Parlament sózi» marapattaryńyz da ultynyń súiikti ulyna kórsetken ystyq yqylasy dep bilemiz jáne sol peiilderińiz úshin otbasymyzdyń, áýletimizdiń atynan jáne «Jetisý» telearnasy men «Qareket» ujymynyń atynan alǵysymyzdy bildiremin – dedi Gúlmira Zerbai.
