مەجٸلٸس دەپۋتاتى ولجاس قۇسپەكوۆ ۇلتتىق بانك جانىنان كريپتوۆاليۋتالاردى ساقتايتىن مەملەكەتتٸك رەزەرۆ قۇرۋدى ۇسىندى. بٷگٸن ول ٷكٸمەتكە وسىنداي دەپۋتاتتىق ساۋالمەن جٷگٸندٸ, دەپ حابارلايدى Dalanews.kz.
دەپۋتات پارلامەنتتٸك باقىلاۋ شەڭبەرٸندە قارجى جٷيەسٸنٸڭ تۇراقتىلىعىنا, ازاماتتاردىڭ قاۋٸپسٸزدٸگٸنە جەنە مەملەكەتتٸك ينستيتۋتتاردىڭ بەدەلٸنە قاۋٸپ تٶندٸرەتٸن تسيفرلىق اكتيۆتەردٸ رەتتەۋ سالاسىنداعى جٷيەلٸ ولقىلىقتار مەن تەۋەكەلدەر انىقتالىپ وتىرعانىن باسا اتاپ ٶتتٸ.
"بٸرٸنشٸدەن, بٸزدە وسى ۋاقىتقا دەيٸن قىلمىستىق ٸستەر شەڭبەرٸندە تەركٸلەنگەن كريپتواكتيۆتەردٸ ساقتاۋ مەسەلەسٸ رەتتەلمەگەن. تيٸستٸ قۇقىقتىق تەحنيكالىق تەتٸكتٸڭ بولماۋى ٷشٸنشٸ تۇلعالار ارقىلى وسى اكتيۆتەردٸ جوعالتۋ, ۇرلاۋ جەنە زاڭداستىرۋ تەۋەكەلدەرٸن تۋدىرادى. ەكٸنشٸدەن, ٶزٸن كريپتوكوۋچ دەپ اتايتىن بلوگەر-سىماقتاردىڭ قىزمەتٸ ارقىلى جاستار كٶلەڭكەلٸ كريپتو نارىققا جاپپاي تارتىلۋدا. ارنايى ليتسەنزيياسى جوق بۇل ادامدار زاڭسىز پلاتفورمالاردىڭ قىزمەتٸن جارنامالاي وتىرىپ, ياعني وسىلايشا زاڭنامانى بۇزۋدا ازاماتتارعا كەپٸلدەندٸرٸلگەن كٸرٸستٸ ۋەدە ەتەدٸ. ٷشٸنشٸدەن, ەكٸنشٸ دەڭگەيدەگٸ جەكەلەگەن بانكتەر قۇقىقتىق الاڭنان تىس كريپتو نارىقتاعى وپەراتسييالارعا قىزمەت كٶرسەتۋ ٷشٸن تارتىلۋدا", - دەدٸ ولجاس قۇسپانوۆ مەجٸلٸستٸڭ جالپى وتىرىسىندا.
ول قارجىلىق مونيتورينگٸ اگەنتتٸگٸنٸڭ دەرەكتەرٸن دە العا تارتا كەتتٸ. وعان سەيكەس, ەكٸنشٸ دەڭگەيدەگٸ 10 بانكتٸڭ شوتتارى ارقىلى 4,2 ملرد تەڭگەدەن استام سوماعا وپەراتسييالار جاسالعان.
"ٸشكٸ باقىلاۋ مەحانيزمدەرٸ كٶپ جاعدايدا قولدانىلمايدى. بەلگٸلەنگەن زاڭداعى تىيىمدارعا قاراماستان, ليتسەنزيياسى جوق كريپتو بيرجالار ٸس جٷزٸندە جۇمىسىن جالعاستىرۋدا. ولاردىڭ قىزمەتٸ App Store جەنە Play Market-تە قولجەتٸمدٸ, بۇقارالىق ٸس-شارالارعا تارتىلىپ, ەلەۋمەتتٸك جەلٸلەردٸ قوسا العاندا, ەمٸن-ەركٸن جارنامالانۋدا. 2023 جىلى قازاقستانداعى كريپتو اينالىمىنىڭ 86,2% - ى, ياعني 3,5 ملرد دوللار زاڭسىز سەگمەنت ارقىلى ٶتتٸ", - دەدٸ دەپۋتات.
سوندىقتان دەپۋتات ۇلتتىق بانك جانىنان الىنعان كريپتواكتيۆتەردٸ ساقتاۋ ٷشٸن مەملەكەتتٸك تسيفرلىق رەزەرۆ قۇرۋ مەسەلەسٸن قاراۋدى ۇسىنادى.
سونداي-اق, ول وسى قىزمەتتٸ مٸندەتتٸ تٷردە ليتسەنزييالاۋعا جاتقىزا وتىرىپ, زاڭناماعا ينۆەستيتسييالىق كوۋچينگ ۇعىمىن ەنگٸزۋدٸ, ال زاڭ بۇزۋشىلاردىڭ اككاۋنتتارىن بۇعاتتاۋدى دا ۇسىنادى.
"اقشا اۋدارىمدارىنا اۋديت جٷرگٸزۋ, بانكتەر تاراپىنان تالاپتاردىڭ ساقتالۋىنا قاتىستى ٸشكٸ باقىلاۋدى كٷشەيتۋ قاجەت. ليتسەنزيياسى جوق كريپتو بيرجالاردىڭ سايتتارى مەن قوسىمشالارىن بۇعاتتاۋعا باستاماشى بولىپ, سونداي - اق رۇقسات ەتٸلگەن پلاتفورمالاردىڭ رەسمي تٸزٸمٸن جارييالاۋ قاجەت", - دەپ سٶزٸن تٷيٸندەدٸ دەپۋتات.
مەملەكەتتٸك كٸرٸستەر كوميتەتٸنٸڭ دەرەگٸنشە, قازاقستاندا رەسمي تٷردە 75 ماينەر تٸركەلگەن.
"سوڭعى ٷش جىلدا سالىقتاردىڭ بارلىق تٷرلەرٸ بويىنشا سالىقتىق تٷسٸمدەردەگٸ ولاردىڭ ٷلەسٸ 17,7 ملرد تەڭگەنٸ قۇرادى, ونىڭ ٸشٸندە تسيفرلىق ماينينگ تٶلەمٸ 11,6 ملرد تەڭگە بولادى. 2024 جىلعى سالىقتىق تەكسەرۋلەر كەزٸندە 4,9 ملرد تەڭگەگە سالىقتاردى قوسىمشا ەسەپتەۋگە ەكەلٸپ سوققان بۇزۋشىلىقتار انىقتالدى, ونىڭ ٸشٸندە: 2,3 ملرد تەڭگە — تسيفرلىق ماينينگ ٷشٸن تٶلەم, 2,6 ملرد تەڭگە كورپوراتيۆتٸك تابىس سالىعى قۇرايدى", - دەپ حابارلادى مكك.
