ءبىرقاتار اقپارات كوزدەرىنىڭ حابارلاعانىنداي، قالا تۇرعىندارى اكىمنەن الماتىدا LRT جەلىسىن سالۋ ماسەلەسى قانشالىقتى وزەكتى ەكەنىن سۇراعان.
"2010 جىلدان بەرى بۇل ماسەلە شەشىمىن تاپپاي كەلەدى. مەن ونىڭ قانشالىقتى وزەكتى ەكەنىن بىلگىم كەلەدى؟ تولە بي كوشەسىنىڭ بويىنداعى ترامۆاي رەلستەرى ءالى تولىق الىنعان جوق"، - دەيدى تۇرعىن.
بۇل ساۋالعا جاۋاپ بەرگەن ەربولات دوسايەۆ LRT جوباسى قالانى دامىتۋ جوسپارىنا ەنگىزىلگەنىن اتاپ ءوتتى.
"جاقىندا مەملەكەت باسشىسى پاۆلوداردا الماتى ترامۆايىنا قاتىستى ويىن ءبىلدىردى. ءبىز قالانى دامىتۋ جوسپارىنا ەنگىزگەن جاڭا جوبا – بۇل تومەن ەدەندى ترامۆاي ءتيپتى LRT. كەلەسى جىلدىڭ كوكتەمىندە جوبانىڭ قۇنىنا قاتىستى تۇپكىلىكتى شەشىم قابىلدايمىز.
تولە بي كوشەسىندە LRT بولادى. ساياحات اۆتوۆوكزالىنان جەلىلەردى قوسىپ، اقسايعا دەيىن سوزۋ قالا ءۇشىن وتە ماڭىزدى.
ءبىز جەردى ساتىپ الۋ جۇمىستارىن جالعاستىرامىز. كەلەسى جىلدىڭ كوكتەمىندە جوبانىڭ قالاي جۇزەگە اساتىنىن ايتامىن"، - دەيدى ەربولات دوسايەۆ.
