Birqatar aqparat kózderiniń habarlaǵanyndai, qala turǵyndary ákimnen Almatyda LRT jelisin salý máselesi qanshalyqty ózekti ekenin suraǵan.
"2010 jyldan beri bul másele sheshimin tappai keledi. Men onyń qanshalyqty ózekti ekenin bilgim keledi? Tóle bi kóshesiniń boiyndaǵy tramvai relsteri áli tolyq alynǵan joq", - deidi turǵyn.
Bul saýalǵa jaýap bergen Erbolat Dosaev LRT jobasy qalany damytý josparyna engizilgenin atap ótti.
"Jaqynda memleket basshysy Pavlodarda Almaty tramvaiyna qatysty oiyn bildirdi. Biz qalany damytý josparyna engizgen jańa joba – bul tómen edendi tramvai tipti LRT. Kelesi jyldyń kókteminde jobanyń qunyna qatysty túpkilikti sheshim qabyldaimyz.
Tóle bi kóshesinde LRT bolady. Saiahat avtovokzalynan jelilerdi qosyp, Aqsaiǵa deiin sozý qala úshin óte mańyzdy.
Biz jerdi satyp alý jumystaryn jalǵastyramyz. Kelesi jyldyń kókteminde jobanyń qalai júzege asatynyn aitamyn", - deidi Erbolat Dosaev.
