كۇرشىم اۋدانى قاراتوعاي اۋىلىندا كۇن رايىنىڭ جىلىپ، جاڭبىردىڭ جاۋۋىنا بايلانىستى، تاۋلى بەتكەيلەردەن ەرىگەن سۋ اعىندارى تۇرعىن ۇيلەردى سۋ باسۋ ءقاۋپىن تۋعىزدى، دەپ حابارلايدى Dalanews.kz شقو اكىمدىگىنە سىلتەمە جاساپ.
الايدا، جەرگىلىكتى بيلىك پەن جول قىزمەتتەرىنىڭ جەدەل ارەكەتتەرىنىڭ ارقاسىندا جاعداي باقىلاۋعا الىندى.
اكىمدىكتىڭ مالىمەتىنشە، ءقازىر اۋىلدىڭ اينالاسىنداعى بارلىق ىقتيمال ءقاۋىپتى ايماقتار قۇم سالىنعان قاپتارمەن نىعايتىلعان. بۇل جۇمىسقا جەرگىلىكتى مەكەمەلەر قىزمەتكەرلەرىنىڭ ىشىنەن 40 ادام جانە №68303 اسكەري بولىمىنەن 25 ادام جۇمىلدىرىلدى.
-قالعۇتى اۋىلدىق وكرۋگىندەگى تۇرعىن ۇيلەردى سۋ باسۋ ءقاۋپىن جويۋ ءۇشىن قاراتوعاي اۋىلىنىڭ ارىقتارىن تازارتۋعا جانە كەڭەيتۋگە ەكى ارنايى تەحنيكا، ءبىر متز-82 تراكتورى جانە «كۇرشىم» كوممۋنالدىق شارۋاشىلىعىنىڭ ءبىر ەكسكاۆاتورى جىبەرىلدى. ءقازىر اۋىلدا اۋدان اكىمىنىڭ ورىنباسارى جانە توتەنشە جاعدايلار ءبولىمىنىڭ باسشىسى، سونداي – اق سالانىڭ باسقا دا جاۋاپتى وكىلدەرى بار، - دەلىنگەن اۋدان اكىمدىگىنىڭ حابارلاماسىندا.
جاعداي جەرگىلىكتى اتقارۋشى بيلىك پەن توتەنشە جاعدايلار قىزمەتىنىڭ تولىق باقىلاۋىندا.
