اباي وبلىسىنداعى ورلوۆ شاحتاسىندا جەراستى ليفتٸنٸڭ (كلەت) كٷرت تەجەلۋٸ سالدارىنان التى جۇمىسشى زارداپ شەكتٸ. بۇل اقپاراتتى KAZ Minerals كومپانيياسى راستادى, دەپ حابارلايدى dalanews.kz.
وقيعا 1 شٸلدە كٷنٸ بولعان. سول سەتتە شاحتاداعى جەراستى ليفتٸندە 15 ادام بولعان.
كومپانييانىڭ كورپوراتيۆتٸك بايلانىستار دەپارتامەنتٸنٸڭ مەنەدجەرٸ ەرمەك دٷزكەنەۆتٸڭ ايتۋىنشا, ليفت تٶمەن تٷسٸپ بارا جاتقان كەزدە ونىڭ توقتاتقىش مەحانيزمدەرٸنٸڭ (كۋلاك) بٸرٸ مەرزٸمٸنەن بۇرىن ٸسكە قوسىلعان.
«كلەت تٶمەن تٷسٸپ كەلە جاتقاندا توقتاتقىشتاردىڭ بٸرەۋٸ اشىلىپ كەتكەن. قوزعالىس كەزٸندە ليفت سول توقتاتقىشقا ٸلٸنٸپ, بٸردەن توقتادى. سونىڭ سالدارىنان كٷرت تەجەلۋ بولدى», – دەدٸ ول.
وقيعادان كەيٸن التى ادام دەرٸگەرلەردٸڭ كٶمەگٸنە جٷگٸنگەن. ٷشەۋٸ جەڭٸل جاراقات الىپ, العاشقى مەديتسينالىق كٶمەكتەن كەيٸن ٷيلەرٸنە جٸبەرٸلدٸ. تاعى ٷش جۇمىسشى سەمەي قالاسىنداعى اۋرۋحاناعا جەتكٸزٸلگەنٸمەن, كەيٸن امبۋلاتورلىق ەم قابىلداۋ ٷشٸن شىعارىلعان.
قازٸرگٸ ۋاقىتتا زارداپ شەككەن بارلىق كەنشٸ امبۋلاتورلىق ەم الىپ جاتىر.
وقيعانىڭ ناقتى سەبەبٸ ەزٸرگە انىقتالعان جوق. كومپانييانىڭ مەلٸمەتٸنشە, وعان تەحنيكالىق اقاۋ, ادام فاكتورى نەمەسە ٶزگە دە سەبەپتەر ەسەر ەتۋٸ مٷمكٸن. قازٸر وقيعاعا قاتىستى ارنايى كوميسسييا مەن ٶنەركەسٸپتٸك قاۋٸپسٸزدٸك قىزمەتٸ تەكسەرۋ جٷرگٸزٸپ جاتىر. قاجەت بولعان جاعدايدا تەۋەلسٸز ساراپشىلار دا تارتىلۋى مٷمكٸن.
