«قازاقمىس» كورپوراتسيياسى قاراعايلى بايىتۋ فابريكاسىن جاڭعىرتۋ جەنە ٶندٸرٸستٸك ينفراقۇرىلىمدى دامىتۋ جۇمىستارىن جالعاستىرىپ جاتىر, دەپ حابارلايدى Dalanews.kz.
كومپانييانىڭ باسقارما تٶراعاسى رۋسلان ٶسكەنەلٸ قاراعايلى كەنتٸنە جۇمىس ساپارى بارىسىندا كەسٸپورىننىڭ ٶندٸرٸستٸك قىزمەتٸمەن تانىسىپ, تەحنولوگييالىق جابدىقتاردى جاڭارتۋ جەنە ٶندٸرٸستٸڭ تۇراقتى جۇمىسىن قامتاماسىز ەتۋگە باعىتتالعان ينۆەستيتسييالىق جوبالاردىڭ جٷزەگە اسىرىلۋىن تالقىلادى.
قاراعايلى بايىتۋ فابريكاسى ابىز, اقباستاۋ جەنە قاجىقونعان كەن ورىندارىنان ٶندٸرٸلەتٸن پوليمەتالل كەنٸن ٶڭدەيدٸ. كەسٸپورىننىڭ جىلدىق ٶندٸرٸستٸك قۋاتى 1,4 ملن توننا كەندٸ قۇرايدى. مۇندا مىس جەنە پيريت كونتسەنتراتتارى ٶندٸرٸلەدٸ.
ساپار بارىسىندا سٷزگٸلەۋ ۋچاسكەسٸنە جاڭا جابدىق ساتىپ الۋ, قالدىق شارۋاشىلىعىنداعى قويىرتپاق قۇبىرلارىن اۋىستىرۋ, اۋىز سۋ جٷيەسٸن جاڭعىرتۋ جەنە ۇساقتاۋ كورپۋسىنىڭ قوسالقى بٶلشەكتەرمەن قامتاماسىز ەتٸلۋٸ سيياقتى نەگٸزگٸ جوبالار قارالدى. كومپانييانىڭ مەلٸمەتٸنشە, بۇل شارالار جابدىقتاردىڭ سەنٸمدٸلٸگٸن ارتتىرىپ, ٶندٸرٸستەگٸ جوسپاردان تىس توقتاپ قالۋ تەۋەكەلدەرٸن ازايتۋعا مٷمكٸندٸك بەرەدٸ.
«Qaragayly Tau-ken ondirisi» فيليالىنىڭ 2026 جىلعا ارنالعان ينۆەستيتسييالىق باعدارلاماسى اياسىندا جابدىقتار, ماتەريالدار مەن قوسالقى بٶلشەكتەر ساتىپ الۋعا 5,3 ملرد تەڭگەدەن استام قارجى بٶلٸنگەن. ونىڭ ٸشٸندە 3 ملرد تەڭگەگە جۋىعى قاراعايلى بايىتۋ فابريكاسىنا, ال قالعان قاراجات اقباستاۋ, ابىز جەنە ٶزگە كەنٸشتەردٸڭ قاجەتتٸلٸكتەرٸنە باعىتتالادى.
ينۆەستيتسييالار سٷزگٸلەۋ, ۇساقتاۋ جەنە كونۆەيەر جٷيەلەرٸن جاڭعىرتۋعا, قۇبىر جەنە سورعى ينفراقۇرىلىمىن, ەلەكتر جابدىقتارىن جاڭارتۋعا, سونداي-اق ٶندٸرٸستٸك پروتسەستٸڭ قاۋٸپسٸزدٸگٸ مەن ٷزدٸكسٸز جۇمىسىن قامتاماسىز ەتۋگە جۇمسالادى.
سونىمەن قاتار كەسٸپورىنعا قىزمەت كٶرسەتۋ ٷشٸن جاڭا تيەۋ تەحنيكاسىن ساتىپ الۋ مەسەلەسٸ قاراستىرىلىپ جاتىر. بۇل ٶندٸرٸستٸك جۇمىستاردى جەدەلدەتٸپ, جالعا الىناتىن تەحنيكانىڭ ٷلەسٸن ازايتۋعا مٷمكٸندٸك بەرەدٸ.
جۇمىس ساپارى بارىسىندا رۋسلان ٶسكەنەلٸ قارقارالى مەملەكەتتٸك ۇلتتىق تابيعي پاركٸنٸڭ اۋماعىندا ورنالاسقان «سوسنوۆىي بور» ۋچاسكەسٸن دە ارالادى. ونداعى تۇرعىن ٷيلەر مەن ينجەنەرلٸك جەلٸلەردٸڭ تەحنيكالىق جاي-كٷيٸ باعالانىپ, ولاردى كەزەڭ-كەزەڭٸمەن جٶندەۋ جەنە جاڭعىرتۋ جوسپارلارى تالقىلاندى.
كومپانييا مەلٸمەتٸنشە, قاراعايلى بايىتۋ فابريكاسىن جاڭعىرتۋ «قازاقمىس» توبىنىڭ ٶندٸرٸستٸك اكتيۆتەردٸ كەزەڭ-كەزەڭٸمەن جاڭارتۋ جەنە ەڭبەك جاعدايىن جاقسارتۋعا باعىتتالعان ۇزاق مەرزٸمدٸ ينۆەستيتسييالىق باعدارلاماسىنىڭ بٸر بٶلٸگٸ بولىپ تابىلادى.
