Kúrshim aýdany Qaratoǵai aýylynda kún raiynyń jylyp, jańbyrdyń jaýýyna bailanysty, taýly betkeilerden erigen sý aǵyndary turǵyn úilerdi sý basý qaýpin týǵyzdy, dep habarlaidy Dalanews.kz ShQO ákimdigine silteme jasap.
Alaida, jergilikti bilik pen jol qyzmetteriniń jedel áreketteriniń arqasynda jaǵdai baqylaýǵa alyndy.
Ákimdiktiń málimetinshe, qazir aýyldyń ainalasyndaǵy barlyq yqtimal qaýipti aimaqtar qum salynǵan qaptarmen nyǵaitylǵan. Bul jumysqa jergilikti mekemeler qyzmetkerleriniń ishinen 40 adam jáne №68303 áskeri bóliminen 25 adam jumyldyryldy.
-Qalǵuty aýyldyq okrýgindegi turǵyn úilerdi sý basý qaýpin joiý úshin Qaratoǵai aýylynyń aryqtaryn tazartýǵa jáne keńeitýge eki arnaiy tehnika, bir MTZ-82 traktory jáne «Kúrshim» kommýnaldyq sharýashylyǵynyń bir ekskavatory jiberildi. Qazir aýylda aýdan ákiminiń orynbasary jáne tótenshe jaǵdailar bóliminiń basshysy, sondai – aq salanyń basqa da jaýapty ókilderi bar, - delingen aýdan ákimdiginiń habarlamasynda.
Jaǵdai jergilikti atqarýshy bilik pen tótenshe jaǵdailar qyzmetiniń tolyq baqylaýynda.
