"كٷنٸنە 80-100 ادام قايتىس بولادى". دەنساۋمين ٶكٸلٸ پروفەسسور شارماننىڭ بولجامىنا قاتىستى پٸكٸر بٸلدٸردٸ
كوروناۆيرۋستان قاراشا ايىنىڭ باسىندا كٷنٸنە 80-100 ادام قايتىس بولادى. سوندىقتان, قولداعى بار رەسۋرستى سوزىلمالى اۋرۋى بار ادامدارعا جۇمساۋ كەرەك. ەلەۋمەتتٸك جەلٸدە جەلدەي ەسكەن ۆيرۋسولوگ-عالىم, مەديتسينا دوكتورى الماز شارماننىڭ بۇل ايتقانى كەز كەلگەن ادامدى شوشىتقانى راس. مينيسترلٸكتٸڭ رەسمي ٶكٸلٸ باعدات قوجاحمەتوۆ بۇعان پٸكٸر بٸلدٸردٸ.
باعدات قوجاحمەتوۆ, قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ:
- كەز كەلگەن جاعدايدا بولجامداردىڭ ورىندالۋى, ورىندالماۋى ول ەلدە قايدا, قالاي بولاتىنى بەلگٸسٸز. سوندىقتان ەڭ باستىسى دەنساۋلىق ساقتاۋ جٷيەسٸن دايىنداپ, مۇنداي بولجامدى بۇل ٶمٸردە ٸسكە اسىرماۋ كەرەك.
سونداي-اق, بالالار دەرٸگەرلەرٸ اتا-انالاردى سابىرعا شاقىردى. ولار قىتايلىق ٸندەتپەن قاتار بالالار اراسىندا تاراعان "كاۆاساكي" سيندرومىن جاپپاي جۇقتىرۋ ەل اۋماعىندا بولعان جوق دەدٸ.
ريزا بورانباەۆا, "پەدياترييا جەنە بالالار حيرۋرگيياسى عىلىمي ورتالىعى" اق باسقارما تٶرايىمى:
- بٷگٸنگٸ كٷنگە دەيٸن رەسپۋبليكادا بالالار اراسىندا كوروناۆيرۋستىڭ 2500-دەي جاعدايى تٸركەلٸپ وتىر, 111 دەرەك جاسقا تولماعان سەبيلەر اراسىندا انىقتالدى. ونىڭ قازٸر 52-سٸ ەمدەلۋدە. ال سونىڭ ٸشٸندە 16 بالادان كاۆاساكي سيندرومى بولدى. ولاردىڭ ٸشٸندە 8 بالا ەمدەلٸپ شىقتى. قالعان ناۋقاستار كٶپسالالى بالالار اۋرۋحانالارىندا ەم الىپ جاتىر. اۋرۋ انىقتالعان كەزٸندە ۋاقىتىلى گوسپيتاليزاتسييادان ٶتسە, ەمدەلٸپ كەتەدٸ.
بيىل اتا-انالاردىڭ ٶتٸنٸشٸ بويىنشا, 1-4 سىنىپ وقۋشىلارى ٷشٸن مەكتەپتەردە كەزەكشٸ توپتار اشىلماق. بٸراق, بالالار مەديتسينالىق ماسكا تاعۋى مٸندەتتەلٸپ وتىر. ال بەتپەردەگە اتا-انا جاۋاپتى بولماق.
باعدات قوجاحمەتوۆ, قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ:
- قازاقستانداعى مەكتەپتەرگە باراتىن وقۋشىلار قولىنا قولعاپ كييۋ مٸندەتتٸ ەمەس. تەك بەتپەردەنٸ كييۋگە مٸندەتتٸ. بۇل بەتپەردەلەرمەن ەكە-شەشەلەرٸ قامتۋ كەرەك.
COVID-19-دى ەلەم بويىنشا 23,6 ميلليون ادام جۇقتىرىپتى. ەلدەگٸ احۋلاعا كەلسەك, كوروناۆيرۋس ٸندەتٸ ٶتكەن تەۋلٸكتە 175 ادامنان انىقتالعان. وسىلايشا جالپى ناۋقاستاردىڭ سانى - 104 مىڭنان استى. ونىڭ 88 پايىزى ەمدەلٸپ شىقتى. ٶكٸنٸشكە قاراي, 1523 ادام باقيلىق بولدى. ال, كۆي انىقتالماعان, اۋرۋ بەلگٸلەرٸ بار پنەۆمونيياعا شالدىققاندار 22 مىڭنان استى. 4 جارىم مىڭ ازامات اۋرۋدان ايىعىپتى. ٶكپە قابىنۋىنان 258 ٶلٸم دەرەگٸ تٸركەلدٸ.
https://youtu.be/FqKJGo1apUs
