قۇرىلتاي عيماراتىندا باق ٶكٸلدەرٸنٸڭ دەپۋتاتتارمەن جۇمىس ٸستەۋ تەرتٸبٸ ٶزگەردٸ. بۇدان بىلاي جۋرناليستەر حالىق قالاۋلىلارىنا ساۋالدارىن كۋلۋاردا ەمەس, تەك ارنايى باسپاسٶز ورتالىعىندا قويا الادى. بۇل شەشٸم قانشالىقتى ورىندى? “ەدٸل سٶز” حالىقارالىق سٶز بوستاندىعىن قورعاۋ قورىنىڭ زاڭگەرٸ سەرگەي ۋتكين اتالعان مەسەلەگە قاتىستى Dalanews.kz رەداكتسيياسىنا پٸكٸر بٸلدٸردٸ.
ونىڭ ايتۋىنشا, الدىمەن قۇرىلتايدى كۋلۋارسىز ٶتكٸزۋ تۋرالى شەشٸمنٸڭ قانداي نەگٸزدە قابىلدانعانىن انىقتاۋ كەرەك.
“ماسس-مەديا تۋرالى” زاڭنىڭ 26-بابىنا سەيكەس, جۋرناليستەر اسا ماڭىزدى مەملەكەتتٸك جەنە ستراتەگييالىق نىساندارعا بارعان كەزدە سول جەردە بەلگٸلەنگەن ٶتكٸزۋ جەنە ٸشكٸ تەرتٸپ تالاپتارىن ساقتاۋعا مٸندەتتٸ. سوندىقتان جۋرناليستەر قۇرىلتاي ٶتەتٸن نىساننىڭ ٸشكٸ تەرتٸپ ەرەجەلەرٸن سۇراتۋى كەرەك. جۋرناليستەر ٷشٸن تيٸستٸ شەكتەۋلەر دەل وسى قاعيدالاردا كٶزدەلۋٸ مٷمكٸن. ەگەر كۋلۋار ٶتكٸزۋگە تىيىم سالۋ جەنە جۋرناليستەردٸڭ وعان قاتىسۋىن شەكتەۋ ەرەجەلەردە نەمەسە باسقا زاڭدى نەگٸزدە كٶزدەلمەسە, مۇنداي شەشٸمنٸڭ زاڭدىلىعىنا قاتىستى سۇراق تۋىندايدى”, – دەدٸ سەرگەي ۋتكين.
زاڭگەردٸڭ ايتۋىنشا, قۇرىلتايدى كۋلۋارسىز ٶتكٸزۋگە قانداي زاڭ نەمەسە ەرەجە نەگٸز بولعانىن ۇيىمداستىرۋشىلار رەسمي تٷردە تٷسٸندٸرۋٸ تيٸس.
“قۇرىلتاي ۇيىمداستىرۋشىلارىنان ٸس-شارانى كۋلۋارسىز ٶتكٸزۋ تۋرالى شەشٸمنٸڭ قۇقىقتىق نەگٸزٸن سۇراتۋدى ۇسىنامىز”, - دەدٸ ول.
بۇعان دەيٸن
ايتا كەتەيٸك, بۇعان دەيٸن قۇرىلتاي عيماراتىندا جۋرناليستەر ٷشٸن دەستٷرلٸ كۋلۋار ۇيىمداستىرىلمايتىنى حابارلانعان ەدٸ.
جاڭا ەرەجەگە سەيكەس, زاڭ شىعارۋشى ورگان عيماراتىنداعى دەستٷرلٸ كۋلۋارلىق سۇحباتتار ٶتكٸزٸلمەيدٸ.
كۋلۋارلار جۋرناليستەر ٷشٸن ماڭىزدى قۇرالداردىڭ بٸرٸ سانالادى. ٶيتكەنٸ ولار دەپۋتاتتارمەن رەسمي فورماتتان تىس تٸكەلەي سٶيلەسۋگە مٷمكٸندٸك بەرەدٸ. باق ٶكٸلدەرٸ وتىرىس باستالار الدىندا نەمەسە اياقتالعاننان كەيٸن دەپۋتاتتارعا جەدەل سۇراق قويىپ, ايتىلعان پٸكٸرلەردٸ ناقتىلاپ, رەسمي كٷن تەرتٸبٸنە ەنبەگەن مەسەلەلەر بويىنشا كٶزقاراسىن بٸلە الادى.
سونداي-اق دەل كۋلۋارلاردا قوعامدا قىزۋ تالقىلانىپ جاتقان ٶزەكتٸ ەرٸ كٷردەلٸ تاقىرىپتارعا قاتىستى پٸكٸرلەر جيٸ ايتىلاتىن. مۇنداي فورمات دەپۋتاتتار مەن جۋرناليستەر اراسىنداعى جەدەل بايلانىستى قامتاماسىز ەتٸپ, قوعامدى تولعاندىرعان مەسەلەلەر بويىنشا قوسىمشا اقپارات الۋعا مٷمكٸندٸك بەرەتٸن.
ەندٸ دەپۋتاتتارمەن سۇحباتتاسۋ جەنە سۇراق قويۋ جۇمىستارى تەك قۇرىلتايدىڭ باسپاسٶز ورتالىعىندا ۇيىمداستىرىلاتىن بولادى. جاڭا تەرتٸپتٸڭ جۋرناليستەردٸڭ اقپارات الۋ مٷمكٸندٸگٸنە قالاي ەسەر ەتەتٸنٸ ەزٸرگە بەلگٸسٸز.
