باس شتاب باسشىسى ۆالەريي گەراسيموۆكە اسكەري وپەراسيا دايىنداۋ، قاۋىپسىزدىك كەڭەسىنىڭ ءتوراعاسى نيكولاي پاترۋشيەۆكە ارميان وپپوزيسياسىن كۇشەيتىپ، ەريەۆانداعى قوعامدىق پىكىردى رەتتەۋ تاپسىرىلدى.
جوسپار ەكى سەنارييدەن تۇرادى. ءبىرىنشىسى، قارۋسىز ساياسي وپەراسيا.
ءقازىر فسب ارميان پارلامەنتىندەگى وپپوزيسيالىق فراكسيالارمەن تىعىز قارىم-قاتىناس ورناتقان.
رەسەيدىڭ قاراباقتىڭ ءازىربايجانعا قايتۋىنا قارسىلىق بىلدىرمەۋى، وسى ارقىلى ارمەنيا پرەمەرى، ەۋروساياساتكەر پاشينياندى بيلىكتەن كەتىرۋگە باعىتتالعان ەدى.
رەسەي وپپوزيسيا سەركەسى يشحان ساگاتەلياندى بيلىككە الىپ كەلۋگە مۇددەلى. ارتىنان ساگاتەليان "رەسەيمەن بىرگە بولماساق، ءازىربايجان زانگەزۋر كوريدورىن جاساۋ ءۇشىن سيۋنيك وبلىسىن تارتىپ الادى" دەگەن جەلەۋمەن، ارمەنيانى وداقتىق مەملەكەتكە (رەسەي-بەلارۋس) كىرگىزۋى كەرەك.
ەگەر پاشينيان بلوگى جەڭىلمەي، ارمەنيا ەۋروينتەگراسيانى كۇشەيتسە، وندا رەسەي ارمەنيانى ودكب-دان شىعۋعا يتەرمەلەمەك.
رەسمي ەريەۆان ودكب-دان كەتكەننەن كەيىن، "ءوزىن ناتو-دان قورعاۋ" سىلتاۋىمەن، ارمەنياعا 30 باتالوندى تاكتيكالىق توپتان قۇرالعان اسكەر ەنگىزىلىپ، ارتىنان روسگۆارديا جىبەرۋ جوسپارى ويلاستىرىلدى.
رەسەي ارمەنيانىڭ اسكەري پوتەنسيالىن، تەرريتوريالدىق قورعانىس قۇرۋ مۇمكىندىگىن بارىنشا بارلاپ قويدى.
رەسەي ارمەنيانى تىم ءالسىز دەپ ساناپ وتىر. سوندىقتان ۋكرايناداعى سوعىسپەن ءبىر ۋاقىتتا ارمەنيانى دا رەتتەپ تاستايتىن قاۋقار بار دەگەن پىكىردە.
تەك، باس شتابتىڭ ويىنشا، وپەراسيا مەرزىمى ءبىر اپتادان اسپاۋى ءتيىس. بۇل رەتتە، رەسەيدىڭ فرانسيانىڭ سوعىسقا ارالاسۋ مۇمكىندىگىن نەگە ەسكەرمەي وتىرعانى تۇسىنىكسىز.
فرانسيادا ارميان ءلوببيى مىقتى بولعاندىقتان، شەتەل لەگيوندارىن كومەككە جىبەرۋ مۇمكىندىگىن جوققا شىعارۋعا بولمايدى.
ناتو رەسەيدىڭ كاۆكازداعى اسكەري مانيەۆرلارىن بارلاپ، رەسەيدىڭ ۋكراينامەن قاتار ارمەنياداعى سوعىس بالشىعىنا باتىپ قالۋى اليانس ءۇشىن تاماشا شەشىم بولماق.
فرانسياعا تولىق كارت-بلانش ۇسىنىلاتىنى انىق. باستىسى، رەسەيدىڭ سوعىستان تەز شىعىپ كەتۋىنە مۇمكىندىك بەرمەۋ كەرەك. رەسەيدىڭ بولشەكتەنۋى وسى كاۆكازداعى سوعىستان باستالادى دەگەن دە جوسپار بار.
ال رەسەيدىڭ 15 جىلدىق ستراتەگيالىق جوسپارىندا كەرىسىنشە: ول ارمەنيانى رەتتەپ تاستايدى دا، مولدوۆامەن اينالىسادى. سودان كەيىن قازاقستان جاقتى كورەدى.
گەنشتاب جوسپارىنشا، قىتايمەن ساياسي ۋاعدالاستىق بولمايىنشا، قازاقستانمەن سوعىسۋعا بولمايدى. ال قاۋىپسىزدىك كەڭەسى قىتايدىڭ قازاقستان ماسەلەسىندە رەسەيمەن كەلىسپەيتىنىن جانە قاتاڭ ەسكەرتۋ جاسايتىنىن بولجاعان. نەمەسە ساحالين مەن بلاگوۆەششەنسكتى قىتايعا سىيلاۋلارى كەرەك.
رەسەي جوسپارىندا قازاقستان-وزبەكستان بلوگىمەن گيپوتەتيكالىق سوعىستىڭ وراسان قيىن بولاتىنى ەسكەرىلگەن. قازاقستاننىڭ مودەرنيزاسيالانىپ جاتقان اسكەري پوتەنسيالى، وعان قوسا 100 پايىز وزبەكستان، ءازىربايجان، تۇركيانىڭ اسكەري قولداۋى بولاتىنى ەسەپكە الىنىپ وتىر.
وزبەكستان مەن قازاقستاننىڭ دەموگرافياسى، حالقى جاس ەكەنى، موبيليزاسيالىق پوتەنسيالى رەسەيدەن كەم تۇسپەيتىنى جازىلعان. ەڭ باستىسى، جۇڭگو كەلىسپەسە رەسەي قازاقستانعا مۇلدە كىرە المايدى. كەلىسپەي سوعىس باستايتىن بولسا، قىتايدىڭ اسكەري الەۋەتىمەن كۇش سىناسۋعا ءماجبۇر بولادى.
ءبىراق رەسەي قازاقستانداعى سوعىسقا جەتەمىن دەگەنشە، باتىس فرونتىنان-اق ابدەن السىرەپ، ءوزى ىدىراپ كەتەتىن جاعدايدا وتىر. جوسپار - قاعازعا جازىلعان وتىرىك دۇنيە. "كييەۆتى 3 كۇندە باسىپ الاتىندار"، وزدەرىنىڭ ءسوزى مەن ءىسى قانشالىقتى قابىسپايتىنىن بۇكىل الەمگە دالەلدەپ ۇلگەردى.
