ونىڭ سوزىنشە، بۇل كەزەڭ "دەلتا" شتامىمەن بايلانىستى بولىپ وتىر.
"پاندەميا باستالعالى قالا ءۇش تولقىننان ءوتتى، ءقازىر ءتورتىنشى تولقىنعا كىرىپ جاتىرمىز. سوندىقتان قالاداعى ەپيدەميولوگيالىق جاعداي كۇردەلەنىپ بارا جاتىر. سوڭعى اپتانى الساق، وتكەن اپتامەن سالىستىرعاندا ناۋقاستار سانى 1،4 ەسەگە كوبەيدى، 5 790-نان 8 393 جاعدايعا دەيىن ءوستى"، - دەدى بەكشين.
23 شىلدەدەن باستاپ ىندەت جۇقتىرعاندار سانى كۇنىنە مىڭ ادامنان استى. وتكەن تاۋلىكتە 1 470 ادامعا جەتتى.
بەكشيننىڭ سوزىنشە، تامىزدا ءتورتىنشى تولقىن شارىقتاپ، قىركۇيەكتىڭ باسىندا اۋرۋ جۇقتىرعاندار سانى ازايادى.
"ءقازىر بار كۇشىمىزدى حالىقتى ۆاكسينالاۋعا ارناپ جاتىرمىز. قالادا ءقازىر ۆاكسينانىڭ ءبىرىنشى كومپونەنتىن ۆاكسينا رۇقسات بەرىلگەن تۇرعىنداردىڭ 35،2%ء-ى سالدىردى. ءقازىر يممۋندىق قابات 34%ء-تى قۇرايدى"، - دەدى بەكشين.
بۇعان دەيىن قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ 30 قىركۇيەككە دەيىن كوروناۆيرۋس جۇقتىرعاندار سانىنا بايلانىستى بولجام جاسالعانىن، سوعان سايكەس، اۋرۋ جۇقتىرعاندار سانى تامىزدىڭ العاشقى ونكۇندىگىندە شارىقتايتىنىن ايتتى. ول كەزدە تاۋلىگىنە 1 600 ادامنان كوروناۆيرۋس ينفەكسياسى انىقتالۋى مۇمكىن.
10-11 تامىزدا تاۋلىگىنە 1 900-گە جۋىق ادامنان ينفەكسيا تابىلۋى مۇمكىن. وسىلايشا، تامىزدا 34 500 جاعداي تىركەلىپ، قىركۇيەكتە 4 500 جاعداي تىركەلەدى دەگەن بولجام جاسالدى.
دەرەككوز: sputnik.kz
