Onyń sózinshe, bul kezeń "delta" shtamymen bailanysty bolyp otyr.
"Pandemiia bastalǵaly qala úsh tolqynnan ótti, qazir tórtinshi tolqynǵa kirip jatyrmyz. Sondyqtan qaladaǵy epidemiologiialyq jaǵdai kúrdelenip bara jatyr. Sońǵy aptany alsaq, ótken aptamen salystyrǵanda naýqastar sany 1,4 esege kóbeidi, 5 790-nan 8 393 jaǵdaiǵa deiin ósti", - dedi Bekshin.
23 shildeden bastap indet juqtyrǵandar sany kúnine myń adamnan asty. Ótken táýlikte 1 470 adamǵa jetti.
Bekshinniń sózinshe, tamyzda tórtinshi tolqyn sharyqtap, qyrkúiektiń basynda aýrý juqtyrǵandar sany azaiady.
"Qazir bar kúshimizdi halyqty vaktsinalaýǵa arnap jatyrmyz. Qalada qazir vaktsinanyń birinshi komponentin vaktsina ruqsat berilgen turǵyndardyń 35,2%-i saldyrdy. Qazir immýndyq qabat 34%-ti quraidy", - dedi Bekshin.
Buǵan deiin qalalyq qoǵamdyq densaýlyq saqtaý basqarmasynyń basshysy Nariman Tabynbaev 30 qyrkúiekke deiin koronavirýs juqtyrǵandar sanyna bailanysty boljam jasalǵanyn, soǵan sáikes, aýrý juqtyrǵandar sany tamyzdyń alǵashqy onkúndiginde sharyqtaitynyn aitty. Ol kezde táýligine 1 600 adamnan koronavirýs infektsiiasy anyqtalýy múmkin.
10-11 tamyzda táýligine 1 900-ge jýyq adamnan infektsiia tabylýy múmkin. Osylaisha, tamyzda 34 500 jaǵdai tirkelip, qyrkúiekte 4 500 jaǵdai tirkeledi degen boljam jasaldy.
Derekkóz: sputnik.kz
