تۇركىستان وبلىسى، كەلەس اۋدانىندا «اۋىل – ەل بەسىگى» باعدارلاماسى بويىنشا اۋىل جولدارى جوندەلىپ جاتىر. اتاپ ايتقاندا، وشاقتى ەلدى مەكەنىنىڭ جولدارى جىل سوڭىنا دەيىن 97 پايىزعا جاڭارماق، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

جول جوندەۋ جۇمىستارى قوشقاراتا اۋىلدىق وكرۋگىندە دە قارقىندى جۇرۋدە. بىرنەشە كوشەگە شاعال تاس توسەلۋدە.

سونىمەن بىرگە، «اباي-شاردارا» وبلىستىق ماڭىزى بار اۆتوموبيل جولىنىڭ بويىن اباتتاندىرۋ جۇمىستارى جۇرگىزىلۋدە. جالپى 3 شاقىرىمعا جۋىق جولعا اياقجولدار توسەلىپ، جارىق شامدار ورناتىلادى.

دەمالىس ورىندارى اباتتاندىرىلىپ، ورىندىقتار مەنقوقىس جاشىكتەرىن ورناتۋ جوسپارلانعان. بارلىق جۇمىستار اۋدان اكىمى اقمەنتاي ەسبايەۆتىڭ تىكەلەي باقىلاۋىندا. وشاقتى اۋىلدىق وكرۋگىندە 9 كوشە «اۋىل – ەل بەسىگى» اياسىندا اباتتاندىرىلسا، 6 كوشە جەرگىلىكتى بيۋدجەتپەن جوندەلەدى.

بيىل كەلەس اۋدانى بويىنشا «اۋىل ەل بەسىگى» باعدارلاماسى اياسىندا وشاقتى اۋىلدىق وكرۋگىنىڭ وشاقتى ەلدى مەكەنىنە جانە بىرتىلەك اۋىلدىق وكرۋگىنىڭ جولباسشى ەلدى مەكەنى، جۇزىمدىك اۋىلدىق وكرۋگى جۇزىمدىك ەلدى مەكەنىنىڭ ىشكى اۆتوموبيل جولدارىن ورتاشا جوندەۋ جۇمىستارى بويىنشا جالپى 18 ىشكى كوشەگە 29،9 شاقىرىم جولدى جوندەۋدەن وتكىزۋ جوسپارلاندى.