Kelestegi aýyl joldary 97 paiyzǵa jańarady
Jol jóndeý jumystary Qoshqarata aýyldyq okrýginde de qarqyndy júrýde. Birneshe kóshege shaǵal tas tóselýde.
Sonymen birge, «Abai-Shardara» oblystyq mańyzy bar avtomobil jolynyń boiyn abattandyrý jumystary júrgizilýde. Jalpy 3 shaqyrymǵa jýyq jolǵa aiaqjoldar tóselip, jaryq shamdar ornatylady.
Demalys oryndary abattandyrylyp, oryndyqtar menqoqys jáshikterin ornatý josparlanǵan. Barlyq jumystar aýdan ákimi Aqmentai Esbaevtyń tikelei baqylaýynda. Oshaqty aýyldyq okrýginde 9 kóshe «Aýyl – el besigi» aiasynda abattandyrylsa, 6 kóshe jergilikti biýdjetpen jóndeledi.
Biyl Keles aýdany boiynsha «Aýyl el besigi» baǵdarlamasy aiasynda Oshaqty aýyldyq okrýginiń Oshaqty eldi mekenine jáne Birtilek aýyldyq okrýginiń Jolbasshy eldi mekeni, Júzimdik aýyldyq okrýgi Júzimdik eldi mekeniniń ishki avtomobil joldaryn ortasha jóndeý jumystary boiynsha jalpy 18 ishki kóshege 29,9 shaqyrym joldy jóndeýden ótkizý josparlandy.
