قارجى ساراپشىسى ايبار ولجاەۆتىڭ پٸكٸرٸنشە, بيىل سىرتقى جەنە ٸشكٸ فاكتورلاردىڭ قاتار ەسەر ەتۋٸ قازاقستاننىڭ مۇنايدان تٷسەتٸن تابىسىن ارتتىرۋى مٷمكٸن. ونىڭ ايتۋىنشا, مۇناي نارىعىنداعى قازٸرگٸ جاعداي ەل بيۋدجەتٸنە قوسىمشا قارجى ەكەلۋٸ ىقتيمال, دەپ حابارلايدى Dalanews.kz.
قازاقستان سىرتقا ەكٸ نەگٸزگٸ مۇناي ماركاسىن شىعارادى. ونىڭ بٸرٸ - CPC Blend. بۇل - ەلدٸڭ باستى ەكسپورتتىق مۇنايى. ساراپشىنىڭ دەرەگٸنشە, 2025 جىلى كاسپيي قۇبىر كونسورتسيۋمى ارقىلى شامامەن 63 ملن توننا CPC Blend تاسىمالدانعان. بۇل جالپى مۇناي ەكسپورتىنىڭ شامامەن 80 پايىزىنا تەڭ. بۇل مۇناي تەڭٸز, قاشاعان جەنە قاراشىعاناق كەن ورىندارىندا ٶندٸرٸلەدٸ.
ەكٸنشٸ ەكسپورتتىق مۇناي ماركاسى - KEBCO. ايبار ولجاەۆتىڭ ايتۋىنشا, 2025 جىلى قازاقستان 10 ملن توننا KEBCO ساتقان. بۇل ەكسپورت كٶلەمٸنٸڭ شامامەن 17 پايىزىنا تەڭ. بۇل مۇناي "درۋجبا" قۇبىرى مەن رەسەيدٸڭ ۋست-لۋگا پورتى ارقىلى جەتكٸزٸلەدٸ. ونىڭ سٶزٸنشە, KEBCO برەندٸ رەسەيگە قارسى سانكتسييالار ەنگٸزٸلگەننەن كەيٸن پايدا بولدى. نەگٸزگٸ ماقسات - قازاقستاندىق مۇنايدى رەسەيلٸك Urals ماركاسىنان اجىراتىپ, ەۋروپالىق نارىقتى ساقتاپ قالۋ.
ساراپشىنىڭ مەلٸمەتٸنشە, 2025 جىلى قازاقستان 96 ملن توننا مۇناي ٶندٸرٸپ, سونىڭ 76 ملن تونناسىن ەكسپورتتاعان. سول جىلى مۇناي سەكتورىنان ۇلتتىق قورعا 3,7 ترلن تەڭگە كٶلەمٸندە تٸكەلەي سالىق تٷسكەن. ايبار ولجاەۆ تەڭگەنٸڭ ورتاشا باعامىن ەسكەرە وتىرىپ, بۇل شامامەن 7 ملرد دوللارعا تەڭ ەكەنٸن ايتادى.
ونىڭ ەسەپتەۋٸنشە, بىلتىر ەكسپورتتالعان 76 ملن توننا مۇناي شامامەن 560 ملن باررەلگە تەڭ. ال مۇنايدىڭ ورتاشا باعاسى 68 دوللار بولعانىن ەسەپكە العاندا, ەر باررەل ۇلتتىق قورعا شامامەن 12,5 دوللار ەكەلگەن.
سونىمەن قاتار, ساراپشى مەملەكەت مۇنايدان تەك سالىق ارقىلى تابىس تاپپايتىنىن اتاپ ٶتتٸ. قازاقستان ٸرٸ مۇناي جوبالارىنا دا قاتىسادى. ونىڭ ٸشٸندە تەڭٸز, قاشاعان, قاراشىعاناق جەنە كاسپيي قۇبىر كونسورتسيۋمى بار. بۇل جوبالارداعى ٷلەستٸ مەملەكەت اتىنان "قازمۇنايگاز" ۇستاپ وتىر.
ايبار ولجاەۆتىڭ ايتۋىنشا, "قازمۇنايگاز" 2025 جىلدىڭ قورىتىندىسى بويىنشا مەملەكەتكە شامامەن 800 ملن دوللار ديۆيدەند تٶلەسە, وندا ەر باررەل مۇنايدان قوسىمشا شامامەن 1,4 دوللار تٷسەدٸ. وسىلايشا, مۇنايدىڭ ورتاشا باعاسى 68 دوللار بولعان 2025 جىلى مەملەكەت ەر باررەلدەن شامامەن 13,9 دوللار تابىس العان. جالپى تابىس شامامەن 7,8 ملرد دوللار بولعان.
ال 2026 جىلعا قاتىستى بولجامعا كەلسەك, ايبار ولجاەۆ Brent ماركالى مۇناي باعاسى 100 دوللارعا دەيٸن كٶتەرٸلمەيدٸ دەپ سانايدى. دەگەنمەن, ونىڭ ايتۋىنشا, باعا 75 دوللاردان تٶمەن تٷسپەۋٸ مٷمكٸن جەنە شامامەن 85 دوللار دەڭگەيٸندە قالىپتاسۋى ىقتيمال. بۇل بىلتىرمەن سالىستىرعاندا شامامەن 25 پايىزعا جوعارى.
ساراپشىنىڭ بولجامىنشا, ەكسپورت كٶلەمٸ ساقتالسا, مەملەكەت ەر باررەلدەن شامامەن 17,4 دوللار تابىس تابۋى مٷمكٸن. بۇل - جالپى ەسەپتە شامامەن 9,7 ملرد دوللار. ونىڭ پٸكٸرٸنشە, ورمۋز بۇعازى ماڭىنداعى گەوساياسي جاعدايدىڭ ەسەرٸ قازاقستانعا قوسىمشا 1,9 ملرد دوللار ەكەلۋٸ ىقتيمال.
سونىمەن قاتار, ول KEBCO مۇنايىنا قاتىستى سالىق ەسەپتەۋ تەرتٸبٸ ٶزگەرگەنٸن اتاپ ٶتتٸ. بۇعان دەيٸن ەكسپورتتاۋشىلار سالىقتى رەسەيلٸك Urals باعاسى نەگٸزٸندە تٶلەگەن. ەندٸ سالىق KEBCO باعاسىنا قاراي ەسەپتەلەدٸ.
ايبار ولجاەۆتىڭ سٶزٸنشە, سانكتسييالار ەسەرٸنەن Urals مۇنايى Brent باعاسىنان تٶمەن ساۋدالانادى. 2025 جىلى ايىرماشىلىق ورتا ەسەپپەن 13 دوللار بولعان. ال KEBCO باعاسى, كەرٸسٸنشە, Brent-تەن شامامەن 3 دوللارعا جوعارى قالىپتاسقان.
ونىڭ پٸكٸرٸنشە, سالىق ەسەپتەۋ تەرتٸبٸنٸڭ ٶزگەرۋٸ نەتيجەسٸندە مەملەكەت قوسىمشا شامامەن 300 ملن دوللار تابىس الۋى مٷمكٸن.
ساراپشىنىڭ باعالاۋىنشا, ورمۋز بۇعازى تٶڭٸرەگٸندەگٸ جاعداي مەن KEBCO بويىنشا سالىقتىڭ جاڭا تەرتٸبٸ قازاقستانعا قوسىمشا قارجى ەكەلەدٸ. وسى فاكتورلاردى ەسكەرگەندە, 2026 جىلى مۇناي سەكتورىنان تٷسەتٸن جالپى تابىس شامامەن 10,6 ملرد دوللارعا جەتۋٸ ەبدەن مٷمكٸن.
