قازاقستان حالىق كەڭەسٸنٸڭ مٷشەلەرٸ كاسپيي تەڭٸزٸ جاعالاۋىندا ٶتكەن ەسكەري وقۋ-جاتتىعۋ كەزٸندە قازا تاپقان ەسكەري قىزمەتكەرلەردٸڭ وتباسىلارىنا 815 ملن تەڭگە كٶلەمٸندە قارجىلاي كٶمەك كٶرسەتەدٸ, دەپ حابارلايدى dalanews.kz.
كەڭەس حاتشىلىعىنىڭ مەلٸمەتٸنشە, باستاماعا 17 مٷشە قوسىلعان. قاراجات قازا بولعانداردىڭ وتباسىلارىنا تٸكەلەي بەرٸلەدٸ.
اندرەي لاۆرەنتەۆ پەن شاحمۇرات مۇتالٸپ ەر وتباسىعا 25 ملن تەڭگەدەن بٶلمەك. گادجي گادجيەۆ 100 ملن تەڭگە, ال جۇمابەك جانىقۇلوۆ 50 ملن تەڭگە اۋدارادى. قالعان قاتىسۋشىلار 1 ملن تەڭگەدەن 10 ملن تەڭگەگە دەيٸن قارجى بٶلەدٸ.
ەسكە سالساق, قايعىلى وقيعا 24 قىركٷيەكتە ماڭعىستاۋ وبلىسىندا ەسكەري-تەڭٸز كٷشتەرٸنٸڭ وقۋ-جاتتىعۋى كەزٸندە بولعان. تەڭٸزگە اعىپ كەتكەن 17 ەسكەري قىزمەتكەردٸڭ 12-سٸ قازا تاپتى, ٷشەۋٸ قۇتقارىلدى. تاعى ەكٸ ادامدى ٸزدەستٸرۋ جۇمىستارى جالعاسىپ جاتىر.
وسىعان بايلانىستى 25 قىركٷيەك قازاقستاندا جالپىۇلتتىق ازا تۇتۋ كٷنٸ بولىپ جارييالاندى.
ماڭعىستاۋداعى تراگەدييا: قازا تاپقانداردىڭ تٸزٸمٸ جارييالاندى, ەكٸ ادام ەلٸ ٸزدەستٸرٸلٸپ جاتىر
