Qazaqstan Halyq Keńesiniń músheleri Kaspii teńizi jaǵalaýynda ótken áskeri oqý-jattyǵý kezinde qaza tapqan áskeri qyzmetkerlerdiń otbasylaryna 815 mln teńge kóleminde qarjylai kómek kórsetedi, dep habarlaidy dalanews.kz.
Keńes hatshylyǵynyń málimetinshe, bastamaǵa 17 múshe qosylǵan. Qarajat qaza bolǵandardyń otbasylaryna tikelei beriledi.
Andrei Lavrentev pen Shahmurat Mutalip ár otbasyǵa 25 mln teńgeden bólmek. Gadji Gadjiev 100 mln teńge, al Jumabek Janyqulov 50 mln teńge aýdarady. Qalǵan qatysýshylar 1 mln teńgeden 10 mln teńgege deiin qarjy bóledi.
Eske salsaq, qaiǵyly oqiǵa 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde bolǵan. Teńizge aǵyp ketken 17 áskeri qyzmetkerdiń 12-si qaza tapty, úsheýi qutqaryldy. Taǵy eki adamdy izdestirý jumystary jalǵasyp jatyr.
Osyǵan bailanysty 25 qyrkúiek Qazaqstanda jalpyulttyq aza tutý kúni bolyp jariialandy.
Mańǵystaýdaǵy tragediia: qaza tapqandardyń tizimi jariialandy, eki adam áli izdestirilip jatyr
