ماڭعىستاۋ وبلىسىندا وقۋ-جاتتىعۋ كەزٸندە ەسكەري قىزمەتشٸلەردٸڭ قازا بولۋ فاكتٸسٸ بويىنشا تەرگەۋ جالعاسىپ جاتىر, دەپ حابارلايدى dalanews.kz.
وقيعا ورنىنا قاراپ-تەكسەرۋ جٷرگٸزٸلٸپ, 30-دان استام ەسكەري قىزمەتشٸدەن جاۋاپ الىندى, قۇجاتتار مەن بەينەماتەريالدار تەركٸلەندٸ. 12 ساراپتاما تاعايىندالدى.
قىزمەتكە سالعىرت قارادى دەپ كٷدٸك كەلتٸرٸلگەن, سونداي-اق مەتەورولوگييالىق جاعدايلاردى ەسكەرە وتىرىپ, جەكە قۇرامنىڭ قاۋٸپسٸزدٸگٸن قامتاماسىز ەتۋ ٷشٸن تيٸستٸ باقىلاۋ مەن قاجەتتٸ شارالاردىڭ قابىلدانۋىن قامتاماسىز ەتپەگەن, قۇتقارۋ جۇمىستارىن تيٸسٸنشە ۇيىمداستىرماعان, سونىڭ سالدارىنان ادامداردىڭ قازا بولۋىنا ەكەپ سوققان لاۋازىمدى تۇلعالار انىقتالدى.
تەرگەۋ بارلىق كٷدٸكتٸلەردٸڭ ەرەكەتتەرٸنە تولىق قۇقىقتىق باعا بەرٸپ, ولارعا قاتىستى پروتسەستٸك شارالار قابىلدايدى.
ەسكە سالساق, قايعىلى وقيعا 24 قىركٷيەكتە ماڭعىستاۋ وبلىسىندا ەسكەري-تەڭٸز كٷشتەرٸنٸڭ وقۋ-جاتتىعۋى كەزٸندە بولعان. تەڭٸزگە اعىپ كەتكەن 17 ەسكەري قىزمەتكەردٸڭ 12-سٸ قازا تاپتى, ٷشەۋٸ قۇتقارىلدى. تاعى ەكٸ ادامدى ٸزدەستٸرۋ جۇمىستارى جالعاسىپ جاتىر.
وسىعان بايلانىستى 25 قىركٷيەك قازاقستاندا جالپىۇلتتىق ازا تۇتۋ كٷنٸ بولىپ جارييالاندى.
ماڭعىستاۋداعى تراگەدييا: قازا تاپقانداردىڭ تٸزٸمٸ جارييالاندى, ەكٸ ادام ەلٸ ٸزدەستٸرٸلٸپ جاتىر
