Mańǵystaý oblysynda oqý-jattyǵý kezinde áskeri qyzmetshilerdiń qaza bolý faktisi boiynsha tergeý jalǵasyp jatyr, dep habarlaidy dalanews.kz.
Oqiǵa ornyna qarap-tekserý júrgizilip, 30-dan astam áskeri qyzmetshiden jaýap alyndy, qujattar men beinematerialdar tárkilendi. 12 saraptama taǵaiyndaldy.
Qyzmetke salǵyrt qarady dep kúdik keltirilgen, sondai-aq meteorologiialyq jaǵdailardy eskere otyryp, jeke quramnyń qaýipsizdigin qamtamasyz etý úshin tiisti baqylaý men qajetti sharalardyń qabyldanýyn qamtamasyz etpegen, qutqarý jumystaryn tiisinshe uiymdastyrmaǵan, sonyń saldarynan adamdardyń qaza bolýyna ákep soqqan laýazymdy tulǵalar anyqtaldy.
Tergeý barlyq kúdiktilerdiń áreketterine tolyq quqyqtyq baǵa berip, olarǵa qatysty protsestik sharalar qabyldaidy.
Eske salsaq, qaiǵyly oqiǵa 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde bolǵan. Teńizge aǵyp ketken 17 áskeri qyzmetkerdiń 12-si qaza tapty, úsheýi qutqaryldy. Taǵy eki adamdy izdestirý jumystary jalǵasyp jatyr.
Osyǵan bailanysty 25 qyrkúiek Qazaqstanda jalpyulttyq aza tutý kúni bolyp jariialandy.
Mańǵystaýdaǵy tragediia: qaza tapqandardyń tizimi jariialandy, eki adam áli izdestirilip jatyr
