جۋرناليست دياس احمەتشارىپتىڭ ميىنا قان قۇيىلىپ، كوماعا ءتۇستى. Ulysmedia.kz دەرەككوزى تاراتقان اقپاراتقا سايكەس، وقىس وقيعا اقتاۋدا ىشكى ىستەر مينيسترلىگىنىڭ كوشپەلى جيىنى ءوتىپ جاتقان كەزدە ورىن العان، دەپ حابارلايدى Dalanews.kz.
دارىگەرلەر ونىڭ جاعدايىن وتە اۋىر دەپ باعالاپ وتىر.
ايتا كەتەيىك، دياس احمەتشارىپ — قازاقستانداعى تانىمال جۋرناليست ءارى قوعاممەن بايلانىس سالاسىنىڭ مامانى. ول ەڭبەك جولىن 1997 جىلى «Qazaq» راديوسىندا رەپورتەر بولىپ باستاعان. كەيىننەن «حابار» جانە «قازاقستان» تەلەارنالارىندا سپورت ءجۋرناليسى رەتىندە قىزمەت اتقاردى.
احمەتشارىپ ەلىمىزدەگى العاشقى سپورتتىق تەلەارنا — «كazsport»-تىڭ تۇڭعىش ديرەكتورى بولدى. سونىمەن قاتار، ول «Insport» تەلەارناسىنىڭ باس رەداكتورى قىزمەتىن اتقارعان. 2003-2007 جىلدارى ق ر سپورت جانە تۋريزم ىستەرى اگەنتتىگىنىڭ باسپا ءسوز قىزمەتىن باسقاردى.
2020 جىلى دەنساۋلىق ساقتاۋ مينيسترلىگىنىڭ رەسمي وكىلى قىزمەتىن اتقارىپ جۇرگەن كەزىندە، COVID-19 پاندەمياسى تۋرالى قوعامعا ەسكەرتۋ جاساعانى ءۇشىن جۇرتشىلىقتىڭ نازارىن اۋداردى. كەيىننەن ول بۇل قىزمەتىنەن كەتتى.
2023 جىلى دياس احمەتشارىپ ق ر تۋريزم جانە سپورت ءمينيسترىنىڭ قوعاممەن بايلانىس جانە ب ا ق جونىندەگى كەڭەسشىسى بولىپ تاعايىندالدى . سونداي-اق، ول پاريجدە وتەتىن XXXIII جازعى وليمپيادا ويىندارىنا قاتىساتىن قازاقستاندىق دەلەگاسيا قۇرامىندا 21 ءجۋرناليستىڭ تىكەلەي حابار تاراتۋىن ۇيىمداستىرۋعا اتسالىستى.
جۋرناليستيكا سالاسىنداعى كوپجىلدىق تاجىريبەسى مەن مەملەكەتتىك قىزمەتتەگى بەلسەندىلىگى ارقىلى دياس احمەتشارىپ ەلىمىزدىڭ اقپاراتتىق كەڭىستىگىندە ماڭىزدى ءرول اتقارىپ كەلەدى.
