Jýrnalist Dias Ahmetsháriptiń miyna qan quiylyp, komaǵa tústi. Ulysmedia.kz derekkózi taratqan aqparatqa sáikes, oqys oqiǵa Aqtaýda Ishki ister ministrliginiń kóshpeli jiyny ótip jatqan kezde oryn alǵan, dep habarlaidy Dalanews.kz.
Dárigerler onyń jaǵdaiyn óte aýyr dep baǵalap otyr.
Aita keteiik, Dias Ahmetshárip — Qazaqstandaǵy tanymal jýrnalist ári qoǵammen bailanys salasynyń mamany. Ol eńbek jolyn 1997 jyly «Qazaq» radiosynda reporter bolyp bastaǵan. Keiinnen «Habar» jáne «Qazaqstan» telearnalarynda sport jýrnalisi retinde qyzmet atqardy.
Ahmetshárip elimizdegi alǵashqy sporttyq telearna — «Kazsport»-tyń tuńǵysh direktory boldy. Sonymen qatar, ol «Insport» telearnasynyń bas redaktory qyzmetin atqarǵan. 2003-2007 jyldary QR Sport jáne týrizm isteri agenttiginiń baspasóz qyzmetin basqardy.
2020 jyly Densaýlyq saqtaý ministrliginiń resmi ókili qyzmetin atqaryp júrgen kezinde, COVID-19 pandemiiasy týraly qoǵamǵa eskertý jasaǵany úshin jurtshylyqtyń nazaryn aýdardy. Keiinnen ol bul qyzmetinen ketti.
2023 jyly Dias Ahmetshárip QR Týrizm jáne sport ministriniń qoǵammen bailanys jáne BAQ jónindegi keńesshisi bolyp taǵaiyndaldy . Sondai-aq, ol Parijde ótetin XXXIII Jazǵy Olimpiada oiyndaryna qatysatyn Qazaqstandyq delegatsiia quramynda 21 jýrnalistiń tikelei habar taratýyn uiymdastyrýǵa atsalysty.
Jýrnalistika salasyndaǵy kópjyldyq tájiribesi men memlekettik qyzmettegi belsendiligi arqyly Dias Ahmetshárip elimizdiń aqparattyq keńistiginde mańyzdy ról atqaryp keledi.
