شٸلدە ايىندا باعانىڭ جىلدىق ٶسٸمٸ شامامەن 11,8% بولدى. سٶيتٸپ اتالعان كٶرسەتكٸش ماۋسىم ايىنداعى كٶرسەتكٸشپەن بٸردەي, ناقتىراق ايتقاندا, 0,08 پايىزدىق تارماققا ازايدى, دەپ حابارلايدى Dalanews.kz.
بۇل تۋرالى قر ۇەم ستاتيستيكا كوميتەتٸنٸڭ مەلٸمەتتەرٸنە سٷيەنە وتىرىپ, بٸرٸنشٸ نەسيە بيۋروسى حابارلايدى.
ينفلياتسييانىڭ باياۋلاۋىنا اقىلى قىزمەتتەر ات سالىستى: شٸلدە ايىندا ولاردىڭ جىلدىق مەنٸ 14,9% دەڭگەيٸندە بولىپ, ماۋسىم ايىنداعى 16,1%-بەن سالىستىرعاندا تٶمەندەگەن. ال ازىق-تٷلٸك (ماۋسىمداعى 10,6%-دان كەيٸن +11,2%) پەن ازىق-تٷلٸككە جاتپايتىن تاۋارلار سەكتورلارىنداعى (9,4%-دان كەيٸن +9,5%) ينفلياتسييا قارقىنى ارتا تٷستٸ.
"اقىلى قىزمەتتەر ايلىق ەسەپتە دە اپتىعىن باسقان. ماۋسىممەن سالىستىرعاندا +0,5%, بۇل - 2023 جىلعى سەۋٸردەن بەرٸ كەز كەلگەن اي ٷشٸن ەڭ قولايلى نەتيجە. ازىق-تٷلٸككە جاتپايتىن تاۋارلار 0,8%-عا, ال ازىق-تٷلٸك 0,7%-عا قىمباتتادى. سوڭعى ۋاقىتتا ينفلياتسييانى دەل وسى قىزمەت كٶرسەتۋ سەكتورى كٷشەيتٸپ كەلگەن. وسىعان بايلانىستى ٷكٸمەت كوممۋنالدىق قىزمەت تاريفتەرٸن ودان ەرٸ ٶسٸرۋدٸ ٸشٸنارا كەيٸنگە قالدىرۋعا ۋەدە بەرگەن ەدٸ", دەپ جازادى DATA HUB.
بۇعان دەيٸن قازاقستاندا ەلەۋمەتتٸك ماڭىزى بار ازىق-تٷلٸك تاۋارلارى قىمباتتاپ جاتقانىن جازعانبىز. سونداي-اق سايتىمىزدان "ينفلياتسييا دەگەنٸڭٸز "ٶرت", ەكونوميكا قىزىپ بارادى". ساراپشى تەڭگە باعامىنا قاتىستى شىندىقتى ايتتى" دەگەن ماقالانى دا وقي وتىرىڭىزدار.
