Shilde aiynda baǵanyń jyldyq ósimi shamamen 11,8% boldy. Sóitip atalǵan kórsetkish maýsym aiyndaǵy kórsetkishpen birdei, naqtyraq aitqanda, 0,08 paiyzdyq tarmaqqa azaidy, dep habarlaidy Dalanews.kz.
Bul týraly QR UEM Statistika komitetiniń málimetterine súiene otyryp, Birinshi nesie biýrosy habarlaidy.
Infliatsiianyń baiaýlaýyna aqyly qyzmetter at salysty: shilde aiynda olardyń jyldyq máni 14,9% deńgeiinde bolyp, maýsym aiyndaǵy 16,1%-ben salystyrǵanda tómendegen. Al azyq-túlik (maýsymdaǵy 10,6%-dan keiin +11,2%) pen azyq-túlikke jatpaityn taýarlar sektorlaryndaǵy (9,4%-dan keiin +9,5%) infliatsiia qarqyny arta tústi.
"Aqyly qyzmetter ailyq esepte de aptyǵyn basqan. Maýsymmen salystyrǵanda +0,5%, bul - 2023 jylǵy sáýirden beri kez kelgen ai úshin eń qolaily nátije. Azyq-túlikke jatpaityn taýarlar 0,8%-ǵa, al azyq-túlik 0,7%-ǵa qymbattady. Sońǵy ýaqytta infliatsiiany dál osy qyzmet kórsetý sektory kúsheitip kelgen. Osyǵan bailanysty úkimet kommýnaldyq qyzmet tarifterin odan ári ósirýdi ishinara keiinge qaldyrýǵa ýáde bergen edi", dep jazady DATA HUB.
Buǵan deiin Qazaqstanda áleýmettik mańyzy bar azyq-túlik taýarlary qymbattap jatqanyn jazǵanbyz. Sondai-aq saitymyzdan "Infliatsiia degenińiz "órt", ekonomika qyzyp barady". Sarapshy teńge baǵamyna qatysty shyndyqty aitty" degen maqalany da oqi otyryńyzdar.
