ۇلتتىق كيٸمدەر كٷنٸنە ارنالعان ناۋرىزنامانىڭ بەسٸنشٸ كٷنٸندە وبلىس اۋماعىندا ەتنودەفيلە, كٶرمەلەر, وتباسىلىق كونكۋرستار, مەكەمە-ۇيىم ۇجىمدارىنىڭ بەينەروليكتەر چەللەندجٸ ۇيىمداستىرىلدى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
مەسەلەن, تالدىقورعان قالاسىنىڭ ورتالىق الاڭىندا ەتنودەفيلە ٶتكٸزٸلٸپ, وندا قىز-جٸگٸتتەر تٷرلٸ ەتنوستاردىڭ ۇلتتىق كيٸمدەرٸن كيٸپ شىقتى. مەرەكە بۇدان ەرٸ «ناۋرىز ارۋى – 2025» بايقاۋىنىڭ فينالىمەن جالعاستى. وسىعان دەيٸن بايقاۋدىڭ ٸرٸكتەۋ تۋرى ٶتەناي اۋىلدىق مەدەنيەت ٷيٸندە ٶتكەن بولاتىن. ٸرٸكتەۋدەن ٶتكەن ون ارۋ كٶركٸنە اقىلى ساي ەكەنٸن تانىتۋ ٷشٸن كٶرەرمەندەر الدىندا ٶزٸنٸڭ بار ٶنەرٸن پاش ەتٸپ, ساحنادا قازاقتىڭ ەدەت-عۇرپى مەن سالت-دەستٷرٸنە بايلانىستى سۇراقتارعا جاۋاپ بەردٸ. بايقاۋ قورىتىندىسىندا باس جٷلدەگە تالدىقورعانداعى ب.سىرتتانوۆ اتىنداعى №25 ورتا مەكتەپتٸڭ 11 سىنىپ وقۋشىسى ەركەجان سەرٸكحان يە بولدى.
– بٷگٸن نەمەرەم ەركەجاننىڭ ٶنەرٸن تاماشالاپ, جانكٷيەر بولۋعا الاكٶل اۋدانى, كٶلباي اۋىلىنان ارنايى كەلدٸم. نەمەرەمنٸڭ جەڭٸسكە جەتكەنٸنە قۋانىشتىمىن. قىزداردىڭ بەرٸ دە لايىقتى ٶنەر كٶرسەتتٸ. بايقاۋ ماعان قاتتى ۇنادى. بۇل تەك قانا سۇلۋلىق بايقاۋى ەمەس, سونىمەن قاتار ۇلتتىق مۇرامىزعا, ۇلتتىق تەربيەگە ٷلكەن مەن بەرٸپ, جاستاردىڭ رۋحاني دامۋىنا ىقپال ەتەتٸن شارا بولدى. بارشا جۇرتشىلىقتى ناۋرىز مەرەكەسٸمەن قۇتتىقتايمىن, – دەدٸ جاڭىلقان سٷلەيمەنوۆا.
سول سيياقتى قاراتال اۋدانىنىڭ ٷشتٶبە قالاسىندا «ۇلتتىق كيٸمدەگٸ وتباسى» بايقاۋى ۇيىمداستىرىلدى. بايقاۋعا 44 وتباسى قاتىستى. ولار قازاق حالقىنىڭ كٷندەلٸكتٸ كيٸمدەرٸمەن قاتار, تٷرلٸ قۋانىشتاردا كيەتٸن مەرەكەلٸك كيٸمدەرٸن, قازاقى ويۋلار مەن ەشەكەيلەدٸ دە دەرٸپتەدٸ. بايقاۋدا جۇمادٸل, ەرعوساەۆتار, زاحان, سۇرابالدينوۆتار, دولاشوۆتار, رىسقازى, اشىقباەۆتار جەنە اپاسحانوۆتار وتباسىلارى جەڭٸمپاز اتانىپ, ديپلوم مەن باعالى سىيلىقتارعا يە بولدى.
– وتباسىمىزبەن قازاقي كيٸم كيٸپ, مەرەكەگە ارنايى دايىندالىپ كەلدٸك. ماقساتىمىز - قازاقتىڭ سالت-دەستٷرٸن جاڭعىرتۋ. ناۋرىز اياسىندا ۇلتتىق كيٸمدەرگە ەرەكشە كٶڭٸل بٶلٸنە باستاعانى قۋانتادى. وسى ارقىلى بٸز ۇلتتىڭ مۇرامىزدى ۇلىقتاپ قانا قويماي, جاستارعا ٷلگٸ كٶرسەتەمٸز. ٶيتكەنٸ ۇلتتىق كيٸم – حالىقتىڭ ايناسى, – قاراتال اۋدانىنىڭ تۇرعىنى ناعاشىباي بٸلەلۇلى.
وسى كٷنٸ ۇلتتىق كيٸمدەردٸ دەرٸپتەۋگە ارنالعان ٸس-شارالار وبلىستىڭ بارلىق اۋدان-قالالارىندا كەڭٸنەن ۇيىمداستىرىلدى.
