تالدىقورعان قالاسىندا جٷزۋدەن 2026 جىلعى قازاقستان رەسپۋبليكاسىنىڭ جازعى چەمپيوناتى باستالدى, دەپ حابارلايدى dalanews.kz.
5-8 مامىر ارالىعىندا ٶتەتٸن جارىسقا ەلدٸڭ 17 ٶڭٸرٸنەن 372 سپورتشى قاتىسىپ جاتىر. ونىڭ ٸشٸندە 229 ەر ادام جەنە 143 ەيەل سپورتشى بار.
بيىلعى چەمپيونات World Aquatics حالىقارالىق كٷنتٸزبەسٸنە ەنگەن جەنە حالىقارالىق رەيتينگتٸك جارىس مەرتەبەسٸنە يە. سونىمەن قاتار تۋرنير جەلتوقساندا قىتايدا ٶتەتٸن قىسقا قاشىقتىقتاعى ەلەم چەمپيوناتىنا, سونداي-اق بيىل كٷزدە سەنەگالدا ۇيىمداستىرىلاتىن جاسٶسپٸرٸمدەر وليمپياداسىنا ٸرٸكتەۋ كەزەڭٸ سانالادى.
ماڭىزدى حالىقارالىق جارىستارعا جولداما ساراپقا سالىنعاندىقتان, چەمپيوناتقا شەتەلدٸك سپورتشىلار دا قاتىسۋدا. تالدىقورعانداعى تۋرنيرگە قىرعىزستان, رەسەي, تەجٸكستان جەنە ٶزبەكستان قۇرامالارى كەلگەن.
جارىستىڭ العاشقى كٷنٸندە بٸردەن ەكٸ قازاقستان رەكوردى جاڭاردى. اقتٶبە وبلىسىنىڭ سپورتشىسى گلەب كوۆالەنيا 50 مەتر ەركٸن ستيلدە 22.06 سەكۋند نەتيجە كٶرسەتٸپ, ەل رەكوردىن جاڭارتتى. ال قاراعاندى وبلىسىنىڭ ٶكٸلٸ كسەنييا يگناتوۆا 200 مەتر كەشەندٸ جٷزۋدە 2:17.40 ۋاقىتپەن قازاقستاننىڭ جاڭا رەكوردىن ورناتتى.
ەيەلدەر اراسىندا 200 مەتر ەركٸن ستيلدە الماتى قۇراماسىنىڭ سپورتشىسى دانيەلا ديۋ 2:05.78 نەتيجەسٸمەن التىن مەدال جەڭٸپ الدى. ەكٸنشٸ ورىندى جەتٸسۋ وبلىسىنان مارييا فەدوتوۆا يەلەنسە, ٷشٸنشٸ ورىن تاعى بٸر الماتىلىق ەۆا ميلەنيناعا بۇيىردى.
ەرلەر اراسىنداعى وسى قاشىقتىقتا شىمكەنت قالاسىنىڭ ٶكٸلٸ دانيل چەرەپانوۆ توپ جاردى. ول 1:51.68 نەتيجەسٸن كٶرسەتتٸ. كٷمٸس جٷلدەنٸ الماتى سپورتشىسى ماكسيم كليمەنكو السا, قولا مەدال تٷركٸستان وبلىسىنىڭ جٷزۋشٸسٸ عالىمجان بالابەككە بۇيىردى.
100 مەتر شالقالاي جٷزۋدە قاراعاندى وبلىسىنىڭ سپورتشىسى كسەنييا يگناتوۆا تاعى دا ٷزدٸك اتاندى. ول قاشىقتىقتى 1:01.51 ۋاقىتتا باعىندىردى. ەرلەر اراسىندا بۇل باعدارلامادا الماتىلىق مانسۋر رازيەۆ جەڭٸسكە جەتتٸ.
100 مەتر باتتەرفلياي ەدٸسٸندە ەيەلدەر اراسىندا تٷركٸستان وبلىسىنىڭ ٶكٸلٸ سوفيا سپودارەنكو جەڭٸمپاز اتانسا, ەرلەر اراسىندا استانا قالاسىنىڭ سپورتشىسى ەدٸلبەك مۋسين 52.81 نەتيجەسٸمەن التىن مەدال يەلەندٸ.
200 مەتر كەشەندٸ جٷزۋدە كسەنييا يگناتوۆا رەكوردپەن بٸرگە چەمپيون اتاندى. ەرلەر اراسىندا بۇل قاشىقتىقتا الماتىلىق دانييل چۋجينوۆ ٷزدٸك نەتيجە كٶرسەتتٸ.
50 مەتر براسس ەدٸسٸندە ەيەلدەر اراسىندا الماتى سپورتشىسى اننا پۋپكو جەڭٸسكە جەتسە, ەرلەر اراسىندا اقمولا وبلىسىنىڭ ٶكٸلٸ ايبات مىرزامۇراتوۆ چەمپيون بولدى.
ەستافەتالىق جارىستاردا ەيەلدەر اراسىندا الماتى قۇراماسى التىن جٷلدە الدى. تٷركٸستان وبلىسى ەكٸنشٸ ورىن يەلەنسە, جەتٸسۋ وبلىسى ٷزدٸك ٷشتٸكتٸ تٷيٸندەدٸ.
ال ەرلەر اراسىنداعى 4×100 مەتر ەركٸن ستيل ەستافەتاسىندا اقمولا وبلىسىنىڭ كومانداسى چەمپيون اتاندى. شىمكەنت قۇراماسى كٷمٸس, سولتٷستٸك قازاقستان وبلىسى قولا جٷلدەگە يە بولدى.
جارىستى ۇيىمداستىرىپ وتىرعان Qazaq Aquatics فەدەراتسيياسى چەمپيوناتتىڭ ٶتۋٸنە قولداۋ كٶرسەتكەن سەرٸكتەستەرگە العىس بٸلدٸردٸ. ولاردىڭ قاتارىندا «سامۇرىق-قازىنا» قورى, SportQory سپورتتى قولداۋ قورى, «قازتسينك», قازاقستان ۇلتتىق وليمپيادا كوميتەتٸ جەنە Kcell كومپانيياسى بار.
