اتىراۋ وبلىسىندا جەمقورلاردان قايتارىلعان اقشاعا مەكتەپ سالىناتىن بولدى، دەپ حابارلايدى Dalanews.kz. 

مەملەكەت باسشىسىنىڭ تاپسىرماسى بويىنشا "زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى" زاڭ شەڭبەرىندە ارناۋلى مەملەكەتتىك قور قاراجاتى ەسەبىنەن ەلىمىزدىڭ وڭىرلەرىندە الەۋمەتتىك ماڭىزى بار جوبالاردى ىسكە اسىرۋ بويىنشا جۇمىس جالعاسۋدا.

ۇكىمەت اتىراۋ وبلىسى قىزىلقوعا اۋدانى جامانسور اۋىلىندا 150 ورىندىق مەكتەپتىڭ قۇرىلىسىنا 2 ملرد تەڭگە ءبولۋ تۋرالى شەشىم قابىلدادى. قازىرگى تاڭدا اۋىلدا 60 ورىنعا بەيىمدەلگەن عيماراتتا ورنالاسقان باستاۋىش مەكتەپ قانا جۇمىس ىستەيدى. اتا-انالارى 4-سىنىپتى بىتىرگەننەن كەيىن وقۋشىلاردى 60 شاقىرىم قاشىقتاعى ماقات اۋدانى دوسسور كەنتىندە ورنالاسقان س. ءشارىپوۆ اتىنداعى مەكتەپ-ينتەرناتقا اپارۋعا ءماجبۇر. جوعارى سىنىپ وقۋشىلارى كورشىلەس ەلدى مەكەندەرگە قاتىناپ وقيدى.

"جوبانى ىسكە اسىرۋ قورىتىندىسى بويىنشا تالاپتارعا جانە سانيتارلىق نورمالارعا سايكەس بالالاردى ساپالى وقىتۋ ءۇشىن جاعداي جاسالاتىن بولادى.

وسىعان دەيىن ۇكىمەت اقمولا وبلىسىنىڭ زەرەندى اۋىلىندا سپورت كەشەنىن، تۇركىستان وبلىسىنىڭ تەمىرلان اۋىلىندا مۋزىكا مەكتەبىن، ارقالىق قالاسىندا دارىندى سپورتشى بالالارعا ارنالعان سپورت كەشەنىن، استانادا تىرەك-قيمىل اپپاراتى بۇزىلعان بالالارعا ارنالعان وڭالتۋ ورتالىعىن، الماتىدا ەرەكشە قاجەتتىلىكتەرى بار ادامدارعا ارنالعان جاتتىعۋ ورتالىعىن، اقتوبە قالاسىندا ەرەكشە بالالارعا ارنالعان ارنايى بالاباقشا سالۋ، ريددەر قالاسىنداعى كوپسالالى اۋرۋحانا كەشەنىنىڭ قۇرىلىسىن اياقتاۋ سەكىلدى جوبالاردى ىسكە اسىرۋ ءۇشىن قاراجات ءبولۋ تۋرالى شەشىم قابىلداعان بولاتىن"، - دەلىنگەن ۇكىمەت حابارلاماسىندا.

ايتا كەتەيىك، قازاقستاندا وقۋ جىلى باستالعالى بەرى 150 مىڭ وقۋشىعا ارنالعان 100-دەن اسا جاڭا مەكتەپ پايدالانۋعا بەرىلدى. 

وقۋ-اعارتۋ مينيسترلىگىنىڭ مالىمەتىنشە، جاڭا اشىلعان مەكتەپتىڭ ناقتى سانى – 106.

“ونىڭ 33ء-ى جايلى مەكتەپ. وندا 90 مىڭعا جۋىق وقۋشى وقي الادى. ولار باستاۋىش جانە جوعارعى سىنىپتارعا ارنالعان جەكە بلوكتارمەن، زاماناۋي تەحنيكالىق قاۋىپسىزدىك قۇرالدارىمەن، ەرەكشە ءبىلىم بەرۋ قاجەتى بار بالالارعا ارنالعان كەدەرگىسىز ورتامەن، بىرنەشە سپورت زالمەن، زاماناۋي پاندىك كابينەتتەرمەن جابدىقتالعان"، - دەپ جازىلعان حابارلامادا.

ەسكە سالايىق، قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ قازاقستان حالقىنا جولداۋىندا ءبىلىم بەرۋ جۇيەسىن ودان ءارى دامىتۋ جانە مۇعالىمدەردى قولداۋ ماسەلەلەرىنە ەرەكشە كوڭىل ءبولۋ قاجەتتىگىن اتاپ وتكەن بولاتىن. مەملەكەت باسشىسى ءۇش اۋىسىمدى جانە اپاتتى مەكتەپتەردىڭ تاپشىلىعىن شەشۋ ءۇشىن “جايلى مەكتەپ” ۇلتتىق جوباسىن قابىلداۋدى تاپسىردى.

وسى جوبا اياسىندا 2025 جىلدىڭ سوڭىنا دەيىن 217 جاڭا مەكتەپ پايدالانۋعا بەرىلەدى دەپ جوسپارلانىپ وتىر.

"سونداي-اق سىبايلاس جەمقورلىقتان تۇسكەن قاراجات ەسەبىنەن ءبىلىم بەرۋ ينفراقۇرىلىمىن قولداۋ قورىنىڭ جەلىسى بويىنشا تاعى 18 مەكتەپ اشىلدى"، - دەيدى ۆەدومستۆو. 

قالعان 55 مەكتەپ رەسپۋبليكالىق جانە جەرگىلىكتى بيۋدجەت قاراجاتى ەسەبىنەن، سونداي-اق ينۆەستيسيا تارتۋ ەسەبىنەن اشىلادى.

ايتا كەتەيىك، قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ قازاقستان حالقىنا جولداۋىندا ءبىلىم بەرۋ جۇيەسىن ودان ءارى دامىتۋ جانە مۇعالىمدەردى قولداۋ ماسەلەلەرىنە ەرەكشە كوڭىل ءبولۋ قاجەتتىگىن اتاپ وتكەن بولاتىن. مەملەكەت باسشىسى ءۇش اۋىسىمدى جانە اپاتتى مەكتەپتەردىڭ تاپشىلىعىن شەشۋ ءۇشىن “جايلى مەكتەپ” ۇلتتىق جوباسىن قابىلداۋدى تاپسىردى.