قالا اكىمى الىپبەك شارىپبەك ۇلى قوناقتارعا جۋىردا عانا ەلباسى ن.نازاربايەۆتىڭ تۇركىستان قالاسىنا ارنايى كەلىپ، قالانىڭ دامۋى تۇرعىسىندا تاريحي-مادەني تۋريستتىك قالا رەتىندە ىلگەرىلەۋى جونىندەگى جارلىققا قول قويعانىن جەتكىزدى. ءوز كەزەگىندە ءسوز العان ەلشى يتيرو كاۆاباتا جاڭا وبلىس ورتالىعىن مەديسينالىق قۇرال-جابدىقتارمەن قامتاماسىز ەتۋمەن قاتار الەۋمەتتىك جوبالار مەن مادەني-گۋمانيتارلىق باعىتتا قولداۋ كورسەتۋگە دايىن ەكەندىگىن اتاپ ءوتتى. بىرلەسە جۇمىس جاساۋعا نيەت تانىتىپ وتىرعان جاپونيالىقتار اۋىز سۋ جانە سارقىندى سۋ جۇيەلەرىن جۇرگىزۋگە قىزىعۋشىلىق تانىتىپ وتىرعانىن تىلگە تيەك ەتتى.
كەلەلى اڭگىمەلەر وربىگەن باسقوسۋ سوڭىندا ەكى تاراپ بىر-بىرىنە سىي-سياپاتتارىن ۇسىندى. تاعى ءبىر ايتا كەتەرلىگى، بۇعان دەيىن اعىمداعى جىلدىڭ ءساۋىر ايىندا وبلىس اكىمى جانسەيىت تۇيمەبايەۆ پەن يتيرو كاۆاباتا مىرزانىڭ كەزدەسۋىندە شىمكەنت قالاسىنان عىلىمي-گۋمانيتارلىق بازا قۇرۋ تۋرالى ۇسىنىستار ايتىلعان ەدى.
