Japoniia Túrkistandaǵy emdeý mekemesin meditsinalyq jabdyqtarmen qamtamasyz etýge yqylasty
Qala ákimi Álipbek Sháripbekuly qonaqtarǵa jýyrda ǵana Elbasy N.Nazarbaevtyń Túrkistan qalasyna arnaiy kelip, qalanyń damýy turǵysynda tarihi-mádeni týristtik qala retinde ilgerileýi jónindegi Jarlyqqa qol qoiǵanyn jetkizdi. Óz kezeginde sóz alǵan elshi Itiro Kavabata jańa oblys ortalyǵyn meditsinalyq qural-jabdyqtarmen qamtamasyz etýmen qatar áleýmettik jobalar men mádeni-gýmanitarlyq baǵytta qoldaý kórsetýge daiyn ekendigin atap ótti. Birlese jumys jasaýǵa niet tanytyp otyrǵan japoniialyqtar aýyz sý jáne sarqyndy sý júielerin júrgizýge qyzyǵýshylyq tanytyp otyrǵanyn tilge tiek etti.
Keleli áńgimeler órbigen basqosý sońynda eki tarap bir-birine syi-siiapattaryn usyndy. Taǵy bir aita keterligi, buǵan deiin aǵymdaǵy jyldyń sáýir aiynda oblys ákimi Janseiit Túimebaev pen Itiro Kavabata myrzanyń kezdesýinde Shymkent qalasynan ǵylymi-gýmanitarlyq baza qurý týraly usynystar aitylǵan edi.
