جاڭا رەكتور – ىسكەر باسشى، شەبەر ۇيىمداستىرۋشى

Dalanews 20 اقپ. 2015 10:46 88

پروفەسسور كشيشتوف رىبينسكي، تۇرار رىسقۇلوۆ اتىنداعى جاڭا ەكونوميكالىق ۋنيۆەرسيتەتتىڭ رەكتورى بولىپ سايلاندى. بۇل جايىنداعى اقپاراتتى وقۋ ورىننىڭ باسپا ءسوز قىزمەتى ءمالىم ەتتى.

بۇعان دەيىن ونىڭ رەكتورى قىزمەتىن سەرىك سۆياتوۆ اتقارعان، ول ۋنيۆەرسيتەت ديرەكتورلار كەڭەسىنىڭ جانە «Fortebank» اق بىرلەسكەن بانكىنىڭ ءتوراعاسى بولىپ سايلانۋىنا وراي بۇل جۇمىسىنان كەتتى.

رىبينسكي پولشا ۇلتتىق بانكىنىڭ ۆيسە-پرەزيدەنتى، ەو كوميسسياسىنىڭ ەكونوميكالىق جانە قارجى ماسەلەلەرى بويىنشا مۇشەسى، سونداي-اق پولشاداعى دۇنيەجۇزىلىك بانكى ديرەكتورىنىڭ ورىنباسارى بولعان. 2008 جىلى كشيشتوف رىبينسكي ەرنست & يانگ.. كومپانياسىنىڭ سەرىكتەسى بولدى. ەكونوميكا سالاسىنداعى دوكتور دارەجەسىنە يە. پولياك، اعىلشىن، ورىس جانە جاپون تىلدەرىن مەڭگەرگەن.

الداعى ۋاقىتتا جاڭا رەكتوردىڭ باسشىلىعىمەن ت.رىسقۇلوۆ اتىنداعى جاڭا ەكونوميكالىق ۋنيۆەرسيتەتىنىڭ ساپالا ءبىلىم بەرۋ دەڭگەيىن كوتەرىپ، ەلىمىزدەگى وقۋ ورىندار اراسىندا باسەكەگە قابىلەتتىلىگىن ارتتىرۋ ىسىمەن جان-جاقتى اينالىساتىن بولادى. سونداي-اق، ول ءبىلىم ورداسىنىڭ دۇنيەجۇزىندەگى جەتەكشى وقۋ ورىنداردىڭ قاتارىنان كورىنۋى ءۇشىن كۇش سالىپ، ءوزىنىڭ ءومىر بويى جيناعان ىس-تاجىريبەسىن پايدالانباقشى. بىلىكتى ماماننىڭ ىسكەرلىك قابىلەتىنىڭ جوعارى ەكەنىنە مىنا ءبىر جايتتان-اق اڭعارۋعا بولادى. 2010 جىلى كشيشتوف رىبينسكي مىرزا بانكروت بولۋدىڭ از-اق الدىندا تۇرعان پولشاداعى ۆيستۋلا ۋنيۆەرسيتەتىن باسقارىپ، قىسقا مەرزىمدە اتالمىش وقۋ ورىنىن تىعىرىقتان شىعارعان-دى. ول ءبىلىم بەرۋ ساپاسىن ارتتىرۋ سالاسىندا ءبىلىم ورداسىنىڭ پروفەسسورلىق-وقىتۋشىلىق قۇرامىن جاڭادان جاساقتاپ، دۇنيەجۇزىندە وزىق ىس-تاجىريبەلەردى باتىل تۇردە ەنگىزىپ، ءوزىنىڭ ءبىلىم بەرۋ سالاسىنداعى بىلىكتى باسشى، ىسكەر ۇيىمداستىرۋشى ەكەنىن پولياكتارعا پاش ەتكەن ەدى. كشيشتوف رىبينسكي الداعى ۋاقىتتا وسى ىس-تاجىريبەسىن ت.رىسقۇلوۆ اتىنداعى جاڭا ەكونوميكالىق ۋنيۆەرسيتەتڭنڭع گۇلدەنۋىنە جۇمسايتىن بولادى.

نۇرلان جۇماحانوۆ

ۇسىنىلعان
سوڭعى جاڭالىقتار