الماتىنىڭ قالالىق جوسپارلاۋ جانە ۋربانيستيكا باسقارماسى "AsiaMax" ج ش س قۇرىلىس كومپانياسىنىڭ ليسەنزياسىن توقتاتتى، دەپ حابارلايدى Dalanews.kz.
بۇل كومپانيا ءابىش كەكىلبايەۆ كوشەسىندە كارىز جۇيەسى جەلىلەرىن قايتا جاڭارتۋ جۇمىستارىن جۇرگىزگەن.
"ليسەنزيانىڭ كۇشىن جويۋعا جۇمىس كەستەسى سوزىلۋى عانا ەمەس، تۇرعىنداردىڭ نارازىلىعىن تۋعىزعان ورەسكەل قاتەلەر دە سەبەپ بولدى: جوبالىق شەشىمدەر اۋىتقىعان؛ قۇرىلىس بارىسىندا مەملەكەتتىك نورمالار ساقتالماعان"، - دەدى اكىمدىك وكىلدەرى.
جوسپاردان تىس تەكسەرىس ناتيجەسىندە نۇسقاۋ بەرىلىپ، كومپانيا ليسەنزياسىنان ايىرىلدى.
ەسكە سالايىق، بۇعان دەيىن الماتى اكىمى دارحان ساتىبالدى الەۋمەتتىك نىسانداردىڭ قۇرىلىسىنا، جول ينفراقۇرىلىمى مەن قوعامدىق كەڭىستىكتەردى دامىتۋعا قاتىسىپ جۇرگەن مەردىگەر ۇيىمداردىڭ قۇرىلتايشىلارىمەن كەڭەس وتكىزىپ، قاتاڭ ەسكەرتۋ جاسادى.
