اقتٶبە قالاسىنىڭ مانساپ ورتالىعى فيليالىنىڭ ۇيىمداستىرۋىمەن بوس جۇمىس ورىندارىنىڭ جەرمەڭكەسٸ ٶتتٸ, دەپ حابارلايدى Dalanews.kz.
جەرمەڭكەگە تٷرلٸ سالا بويىنشا 15 مەكەمە مەن كەسٸپورىن سۇرانىسقا يە ماماندىقتار بويىنشا 100-دەن استام بوس جۇمىس ورنىن ۇسىندى. جۇمىس بەرۋشٸلەردٸڭ اراسىندا «دينا ماركەت» جشس, «ەيگەرٸم» كلينيكاسى, «اقجان» جك, «جبي-25» جشس, «ازييا مۇناي سەرۆيس» جشس, «مەيٸرٸم» جاستاردى ەلەۋمەتتٸك بەيٸمدەۋ ورتالىعى, ەلەۋمەتتٸك قىزمەت كٶرسەتۋ ورتالىقتارى, بالاباقشالار, ت.ب. بولدى. نەگٸزٸنەن, تٷرلٸ ماقساتتاعى جۇمىسشى, جٷرگٸزۋشٸ, اسپاز, ەدەن جۋۋشى, تەربيەشٸ, پەداگوگ-ۇيىمداستىرۋشى, مەدبيكە, فەلدشەر, ەسەپشٸ, ت.ب. ماماندار جۇمىسقا شاقىرىلدى.
جەرمەڭكەگە جۇمىس ٸزدەپ كەلگەندەر قاتارى دا كٶپ بولدى, ولاردىڭ اراسىندا ورتا جاستاعىلارباسىمىراق سەكٸلدٸ كٶرٸندٸ, زەينەت جاسىنا جاقىنداعان جاندار دا بار. ٶزٸنە قاجەتتٸ مەلٸمەتتەردٸمەكەمەنٸڭ قىزمەتكەرٸنەن انىقتاپ العان سوڭ, جۇمىسقا ورنالاسۋعا قۇجاتتارىن تاپسىرۋ ٷشٸن اسىعىس شىعا جٶنەلگەندەر دە بولدى. ەر-ازاماتتار جاعى تٷرلٸ ماقساتتاعى جۇمىسشى كەرەك دەگەن اقپاراتتىڭ تۇسىنا كٶبٸرەك ايالداسا, قىز-كەلٸنشەكتەردٸڭ بٸرقاتارى جۇمىس بەرۋشٸلەرمەن ەدەن جۋۋشى, ىدىس جۋۋشى بولىپ ورنالاسۋ جايىن سٶيلەسٸپ جاتتى. بۇل جەرمەڭكەگە كەلگەندەر اراسىندا ناقتى بٸر ماماندىق الماعان جانداردىڭ از ەمەس ەكەنٸن كٶرسەتتٸ.
— جىل باسىنان بەرٸ وسىنداي 10 جەرمەڭكە ۇيىمداستىرىلىپ, نەتيجەسٸندە 237 ادامدى جۇمىسقا ورنالاستىرۋدىڭ سەتٸ تٷستٸ. سونىمەن قاتار ەڭبەك بيرجاسى پورتالىنا دا بوس جۇمىس ورنى تۋرالى مەلٸمەتتەر جارييالانادى. بٷگٸندە پورتالدا بٸزدٸڭ وبلىستان تٸركەلگەن بوس جۇمىس ورىندارىنىڭ سانى — 1556, — دەدٸ مانساپ ورتالىعى فيليالىنىڭ مامانى ۆالەنتينا وتارباەۆا.
ۇيىمداستىرۋشىلار جەرمەڭكەگە كەلٸپ, بٸراق جۇمىسقا ورنالاسا الماعان جاندار اراسىندا ساۋالناما جٷرگٸزدٸ. الىنعان مەلٸمەتتەردٸڭ بولاشاقتا ولاردى جۇمىسقا ورنالاستىرۋعا سەپتٸگٸ تييۋٸ مٷمكٸن.
