وسى رەتتە ءىس-شارانىڭ وتۋىنە اقجان ماشاني اتىنداعى بازالىق ءبىلىم بەرۋ ينستيتۋتىنىڭ ديرەكتورى، ساياسي عىلىمدارىنىڭ كانديداتى، دوسەنت، حالىقارالىق اقپاراتتاندىرۋ اكادەمياسىنىڭ اكادەميگى ءرات بەردىبايەۆ ەرەكشە بەلسەندىلىك تانىتقانىن ايتا كەتۋىمىز كەرەك. كەش بارىسىندا شارانى جوعارى دەڭگەيدە وتكىزۋگە عىلىمي كىتاپحانانىڭ قىزمەتكەرلەرى مەن ا.ماشاني اتىنداعى بازالىق ءبىلىم بەرۋ ينستيتۋتى جانە قازاق ءتىلى كافەدراسىنىڭ وقىتۋشىلارى مەن ستۋدەنتتەرى بارىن سالا دايىندالعانىن بايقادىق. كەشتىڭ اشىلۋىندا ءرات بەردىبايەۆ ءسوز سويلەپ، تاعىلىمدى كەشتى وتكىزۋدەگى باستى ماقسات تاريحي وقيعالاردى كەيىنگى ۇرپاققا كوركەم سوزبەن كەستەلەپ جەتكىزگەن كەمەڭگەر جازۋشىنىڭ شىعارمالارىن جاستار اراسىنا كەڭىنەن ناسيحاتتاۋ بولعانىن العا تارتتى. ءوز كەزەگىندە ءى.ەسەنبەرلينمەن جۇزدەسىپ، كوزىن كورگەن عالىم، اقىن ۇلىقپان سىدىقوۆ قالامگەر جايىنداعى ويىن ورتاعا سالىپ، قىسقاشا ەستەلىك ايتىپ بەردى. ال قازاق ءتىلى كافەدراسىنىڭ مەڭگەرۋشىسى گۇلبارشىن تۇرسىن قىزى ءى.ەسەنبەرليننىڭ «ماحاببات مەيرامى»، «عاشىقتار» روماندارىن جان-جاقتى تالداپ، كوكەيگە تۇنعان ويىن ورتاعا سالدى.
كەش سوڭىندا قازۇتۋ-دىڭ عىلىمي كىتاپحانا ديرەكتورى قاپالحان بايمۇحان قىزى ستۋدەنت جاستارعا قالامگەردىڭ شىعارمالارىن كىتاپحانا قورىنان الىپ وقۋعا كەڭەس بەردى. «كىتاپحانامىزدا ءى.ەسەنبەرلين تۋىندىلارىنىڭ ەلەكتروندى نۇسقاسى دا ساقتاۋلى تۇر. قالامگەردىڭ «كوشپەندىلەر» رومانى جاستاردىڭ بويىنا وتانسۇيگىشتىك قاسيەتىن دارىتىپ، ۇلتجاندى ازامت بولىپ وسۋىنە ىقپال ەتەتىنى انىق. ويتكەنى بىزدەر جاس كەزىمىدە وسى ادەبي تۋىندىلاردان قۋات الىپ، وسىتىك. بۇگىنگى جاستاردىڭ كىتاپ وقىپ، رۋحاني باي بولعانىن قالايمىن»، – دەدى قاپالحان بايمۇحان قىزى اعىنان جارىلدى.
