Osy rette is-sharanyń ótýine Aqjan Mashanı atyndaǵy Bazalyq bilim berý ınstıtýtynyń dırektory, saıası ǵylymdarynyń kandıdaty, dosent, Halyqaralyq aqparattandyrý akademıasynyń akademıgi Rát Berdibaev erekshe belsendilik tanytqanyn aıta ketýimiz kerek. Kesh barysynda sharany joǵary deńgeıde ótkizýge Ǵylymı kitaphananyń qyzmetkerleri men A.Mashanı atyndaǵy Bazalyq bilim berý ınstıtýty jáne qazaq tili kafedrasynyń oqytýshylary men stýdentteri baryn sala daıyndalǵanyn baıqadyq. Keshtiń ashylýynda Rát Berdibaev sóz sóılep, taǵylymdy keshti ótkizýdegi basty maqsat tarıhı oqıǵalardy keıingi urpaqqa kórkem sózben kestelep jetkizgen kemeńger jazýshynyń shyǵarmalaryn jastar arasyna keńinen nasıhattaý bolǵanyn alǵa tartty. Óz kezeginde İ.Esenberlınmen júzdesip, kózin kórgen ǵalym, aqyn Ulyqpan Sydyqov qalamger jaıyndaǵy oıyn ortaǵa salyp, qysqasha estelik aıtyp berdi. Al qazaq tili kafedrasynyń meńgerýshisi Gúlbarshyn Tursynqyzy İ.Esenberlınniń «Mahabbat meıramy», «Ǵashyqtar» romandaryn jan-jaqty taldap, kókeıge tunǵan oıyn ortaǵa saldy.
Kesh sońynda QazUTÝ-dyń Ǵylymı kitaphana dırektory Qapalhan Baımuhanqyzy stýdent jastarǵa qalamgerdiń shyǵarmalaryn kitaphana qorynan alyp oqýǵa keńes berdi. «Kitaphanamyzda İ.Esenberlın týyndylarynyń elektrondy nusqasy da saqtaýly tur. Qalamgerdiń «Kóshpendiler» romany jastardyń boıyna otansúıgishtik qasıetin darytyp, ultjandy azamt bolyp ósýine yqpal etetini anyq. Óıtkeni bizder jas kezimide osy ádebı týyndylardan qýat alyp, ósitik. Búgingi jastardyń kitap oqyp, rýhanı baı bolǵanyn qalaımyn», – dedi Qapalhan Baımuhanqyzy aǵynan jaryldy.
