باعاناشىلداعى بالالار ٷيٸندەگٸ داۋدان كەيٸن قىزمەتٸنەن بوساتىلعان الماتى وبلىسى بٸلٸم باسقارماسىنىڭ بۇرىنعى باسشىسى سالتانات بەسپاەۆا جاڭا قىزمەتكە تاعايىندالدى, دەپ حابارلايدى Dalanews.kz.
وبلىس ەكٸمدٸگٸنٸڭ باسپاسٶز قىزمەتٸنٸڭ مەلٸمەتٸنشە, سالتانات بەسپاەۆا الماتى وبلىسىنىڭ تٸلدەردٸ دامىتۋ باسقارماسىنىڭ باسشىسى قىزمەتٸنە تاعايىندالعان.
ەسكە سالايىق, بۇعان دەيٸن سالتانات بەسپاەۆانىڭ جاڭا قىزمەتكە تاعايىندالۋى مٷمكٸن ەكەنٸ حابارلانعان ەدٸ. بۇل تۋرالى DALA INSIDE ارناسى جازعان.
“تاراپتار باعاناشىلداعى بالالار ٷيٸندەگٸ ايقاي-شۋ باسىلعانىن كٷتكەن ەدٸ. ەندٸ سول سەت تۋىنداپ تۇر. الماتى وبلىسى بٸلٸم باسقارماسىنىڭ بۇرىنعى باسشىسى سالتانات بەسپاەۆانى جاڭا قىزمەتكە تاعايىنداۋعا كەدەرگٸ جوق سيياقتى”, – دەپ مەلٸمدەگەن بولاتىن دەرەككٶز.
مەلٸمەتكە قاراعاندا, سالتانات داۋىسبەكقىزى باسقارما باسشىسى قىزمەتٸنەن كەتكەنٸمەن, ەكٸمدٸك جٷيەسٸندە قالعان. ونىڭ ورنىنا بۇعان دەيٸن ەڭبەكشٸقازاق, ٸلە اۋداندارى مەن قوناەۆ قالالىق بٸلٸم بٶلٸمدەرٸن باسقارعان ارايلىم تٶلەۋبەكوۆا كەلگەن ەدٸ. سونداي-اق تامىزدىڭ باسىندا بەسپاەۆانىڭ ٸلە اۋداندىق بٸلٸم بٶلٸمٸنە جەتەكشٸ بولىپ باراتىنى تۋرالى دا اقپارات تاراعان.
ايتا كەتەيٸك, 2025 جىلدىڭ كٶكتەمٸندە الماتى قالاسىنىڭ بيلٸگٸ "باعاناشىل" بالالار ٷيٸنٸڭ تەربيەلەنۋشٸلەرٸن قوناەۆ قالاسىنا كٶشٸرۋ تۋرالى شەشٸم قابىلداعاندارىن مەلٸمدەدٸ. بۇعان عيماراتتىڭ ەسكٸرۋٸ تٷرتكٸ دەگەن سەبەپتٸ العا تارتقان. بالالارعا جاڭا ورىن الدىن-الا دايىندالىپ قويىلعانى دا ايتىلدى. الايدا بالالاردىڭ ايتۋىنشا, ايدالاداعى نىساندا, تٸپتٸ تازا سۋ دا بولماعان. وقۋشىلاردىڭ ٶزدەرٸ كٶشۋگە قارسىلىق تانىتقان.
سوعان قاراماستان 21 شٸلدەدە "باعاناشىل" بالالار ٷيٸنٸڭ تەربيەلەنۋشٸلەرٸن الماتىدان قوناەۆقا كٶشٸرۋ باستالدى, ونىڭ ارتى ٷلكەن داۋمەن تىنعانى بەلگٸلٸ. جەلٸدە مەجبٷرلٸ كٶشٸرۋ كەزٸندە تٷسٸرٸلگەن ۆيدەو جارييالانعان كەيٸن پرەزيدەنت قاسىم-جومارت توقاەۆ بۇل پروتسەستٸ توقتاتىپ, بالالار ٷيٸنٸڭ عيماراتىن جٶندەۋدٸ تاپسىردى. قازٸر پرەزيدەنت ەكٸمشٸلٸگٸ قىزمەتتٸك تەرگەۋ شارالارىن جٷرگٸزۋدە.
داۋلى وقيعادان كەيٸن بٸردەن ٷش شەنەۋنٸك قىزمەتٸمەن قوش ايتىستى.
ولاردىڭ قاتارىندا الماتى وبلىسى بٸلٸم باسقارماسىنىڭ باسشىسى سالتانات بەسپاەۆا, وبلىس ەكٸمٸنٸڭ ورىنباسارى بولات كٷرەنبەكوۆ جەنە ٸشكٸ ساياسات باسقارماسىنىڭ جەتەكشٸسٸ ەرٸك ەبٸتوۆ بار.
بۇعان قوسا, الماتى وبلىسى ەكٸمٸنٸڭ بٸرٸنشٸ ورىنباسارىنا قاتاڭ سٶگٸس جارييالاندى.
