شقو تۋريستٸك اقپاراتتىق ورتالىعىنىڭ باستاماسىمەن شارا قۇرمەتٸنە قىسقى دەمالىس تٷرلەرٸنٸڭ مەرەكەسٸ ۇيىمداستىرىلدى.
شارانىڭ اشىلۋىن جەنە مەملەكەتتٸك تۋدى سالتاناتتى تٷردە كٶتەرٸپ, قازاقستان رەسپۋبليكاسىنىڭ ەنۇرانىن ورىنداۋ رەسٸمٸن ەلٸمٸزدٸڭ تاۋ شاڭعىسى سپورتىنىڭ ارداگەرٸ يگور زاكۋرداەۆ پەن تاۋ شاڭعىسى بويىنشا ۇلتتىق قۇرامانىڭ شتاتتىق مٷشەسٸ زاحار كۋچين ٶتكٸزدٸ.
ريددەر قالاسى ەكٸمٸنٸڭ ورىنباسارى ەسەم اعاجاەۆا مەن شىعىس قازاقستان وبلىسىنىڭ تۋريستٸك اقپاراتتىق ورتالىعىنىڭ ٶكٸلٸ تالعات دەۋلەتوۆ قۇتتىقتاۋ سٶز سٶيلەدٸ.
قالا تۇرعىندارى مەن قوناقتارى ٷشٸن قولٶنەرشٸلەر جەرمەڭكەسٸ, كونتسەرت, سونداي-اق يت شانامەن سىرعاناۋ, ۇلتتىق ستيلدەگٸ بٷركٸتتەرٸ بار فوتوايماقتار جەنە سپورتتىق جارىستار ۇيىمداستىرىلدى.
- "بٸز وبلىستىق دەلبەشٸ يتتەر سپورت فەدەراتسيياسىنان بولامىز. مۇندا يتتەرٸمٸزبەن ارنايى شانالاردى ەكەلدٸك. مەرەكەنٸڭ كٸشكەنتاي قوناقتارىنا مۇنداي سىرعاناۋلار قۋانىش سىيلايتىنىن بٸلەمٸز. ٶيتكەنٸ, يتتەردٸڭ ٷرۋٸ, بەتكە قار مەن جەلدٸڭ سوعۋى, يتتەردٸ ايقاۋمەن ايداۋ - بۇل كومپيۋتەرلٸك ويىن ەمەس, شىنايى ٶمٸر", - دەدٸ يتتەردٸڭ يەسٸ يانا گريگورەۆا.
شىنىندا دا, مەرەكە بالالارعا ۇنادى. ولار تەتتٸلەردەن دەم تاتىپ, كونكيمەن سىرعاپ, انيماتورلارمەن, ادام بويىمەن بٸردەي قۋىرشاقتارىمەن بي بيلەپ, كٶڭٸل كٶتەردٸ.
شارا سوڭىندا دەمەۋشٸلەر مەن سەرٸكتەستەر سىيلاعان سەرتيفيكاتتاردىڭ ۇتىس ويىنى ٶتكٸزٸلدٸ.
ايتا كەتەلٸك, بۇعان دەيٸن ايماق باسشىسى دانيال احمەتوۆ وبلىستا ٸشكٸ تۋريزمدٸ دامىتۋعا ەرەكشە كٶڭٸل بٶلٸنەتٸنٸن تٸلگە تيەك ەتكەن.
[perfectpullquote align="full" bordertop="false" cite="" link="" color="" class="" size=""]«جىل باسىنان بەرٸ سالاعا 5,4 ملرد تەڭگە ينۆەستيتسييا تارتىلدى, ونىڭ ٸشٸندە 1,5 ملرد تەڭگەگە كاتونقاراعاي اۋدانىنىڭ ٶرەل اۋىلىندا ەكٸ جٷز ەلۋ 250 ورىندىق “مۇزتاۋ” ەكو-وتەلٸ” تۋريستٸك كەشەنٸ سالىندى.
سونىمەن قاتار 12 ملرد تەڭگەگە 36 جوبانى (كٶلدەر جاعالاۋىندا جەنە بۇقتىرما سۋ قويماسىندا 12 دەمالىس بازاسى, قالالاردا 10 تۋريستٸك نىسان سالىنىپ جاتىر) ٸسكە اسىرۋ باستالدى», — دەگەن ەدٸ ول.[/perfectpullquote]
