SHQO týrısik aqparattyq ortalyǵynyń bastamasymen shara qurmetine qysqy demalys túrleriniń merekesi uıymdastyryldy.
Sharanyń ashylýyn jáne Memlekettik Týdy saltanatty túrde kóterip, Qazaqstan Respýblıkasynyń Ánuranyn oryndaý rásimin elimizdiń taý shańǵysy sportynyń ardageri Igor Zakýrdaev pen taý shańǵysy boıynsha ulttyq quramanyń shtattyq múshesi Zahar Kýchın ótkizdi.
Rıdder qalasy ákiminiń orynbasary Ásem Aǵajaeva men Shyǵys Qazaqstan oblysynyń týrısik aqparattyq ortalyǵynyń ókili Talǵat Dáýletov quttyqtaý sóz sóıledi.
Qala turǵyndary men qonaqtary úshin qolónershiler jármeńkesi, konsert, sondaı-aq ıt shanamen syrǵanaý, ulttyq stıldegi búrkitteri bar fotoaımaqtar jáne sporttyq jarystar uıymdastyryldy.
- "Biz oblystyq Delbeshi Itter sport federasıasynan bolamyz. Munda ıtterimizben arnaıy shanalardy ákeldik. Merekeniń kishkentaı qonaqtaryna mundaı syrǵanaýlar qýanysh syılaıtynyn bilemiz. Óıtkeni, ıtterdiń úrýi, betke qar men jeldiń soǵýy, ıtterdi aıqaýmen aıdaý - bul kompúterlik oıyn emes, shynaıy ómir", - dedi ıtterdiń ıesi Iana Grıgoreva.
Shynynda da, mereke balalarǵa unady. Olar táttilerden dám tatyp, kónkımen syrǵap, anımatorlarmen, adam boıymen birdeı qýyrshaqtarymen bı bılep, kóńil kóterdi.
Shara sońynda demeýshiler men seriktester syılaǵan sertıfıkattardyń utys oıyny ótkizildi.
Aıta ketelik, buǵan deıin aımaq basshysy Danıal Ahmetov oblysta ishki týrızmdi damytýǵa erekshe kóńil bólinetinin tilge tıek etken.
[perfectpullquote align="full" bordertop="false" cite="" link="" color="" class="" size=""]«Jyl basynan beri salaǵa 5,4 mlrd teńge ınvestısıa tartyldy, onyń ishinde 1,5 mlrd teńgege Katonqaraǵaı aýdanynyń Órel aýylynda eki júz elý 250 oryndyq “Muztaý” eko-oteli” týrısik kesheni salyndy.
Sonymen qatar 12 mlrd teńgege 36 jobany (kólder jaǵalaýynda jáne Buqtyrma sý qoımasynda 12 demalys bazasy, qalalarda 10 týrısik nysan salynyp jatyr) iske asyrý bastaldy», — degen edi ol.[/perfectpullquote]
