– جانايدار مىرزا، الماتى وبلىسىندا IT سىنىپتار اشىلىپ، جاستارعا ساپالى ءبىلىم بەرۋ ءىسى قولعا الىنعانىن بىلەمىز. بۇل باعىتتاعى جۇمىستار ىلە اۋدانىندا قالاي ىسكە اسىپ جاتىر؟
– اۋدانىمىزدا 10 ستراتەگيالىق جوبالارىن ىسكە اسىرۋ ماقساتىندا «نۇر وتان» پارتياسىنىڭ باستاماشى بولۋىنىڭ ارقاسىندا ءبىلىم سالاسىنا قاتىستى بەس جوبانى ىسكە اسىرىپ جاتىرمىز. سونىڭ ءبىرى ءھام بىرەگەيى اۋداندا بالالارعا ارنالعان اقىسىز IT سىنىپتار اشۋ جوباسى بولدى. بۇل باعىتتى بىزدەر ءبىرىنشى كەزەكتە پەداگوگ مامانداردىڭ سيفرلىق ساۋاتتىلىعىن ارتتىرۋ باعىتىندا ءبىراز جۇمىستار اتقاردىق.
ناقتىراق ايتساق، ۇستىمىزدەگى جىلدىڭ 25 شىلدەسىندە وتەگەن باتىر كەنتىندەگى №24 ليسەي بازاسىندا زاماناۋي تەحنيكامەن جابدىقتالعان IT سىنىبى اشىلدى. IT سىنىبىندا 14 جاڭا كومپيۋتەرلەر ينتەرنەت جەلىسىنە قوسىلىپ، روبوتوتەحنيكاعا ارنالعان قۇرالدارمەن قامتاماسىز ەتىلدى. 2018-2020 جىلدارى 8-16 جاس ارالىعىنداعى 450 بالانى قامتىپ، جىل سايىن 150 بالانى وقىتۋدى جوسپارلاپ وتىرمىز.
– IT كۇردەلى سالا ەكەنى بەلگىلى. بۇل باعىتتا ءبىلىم بەرۋدە قانداي دا ءبىر مەكەمەلەردىڭ كومەگىنە ارقا سۇيەيسىزدەر مە؟
– قازىرگى تاڭدا ءىت سىنىپتا 15 وقۋشى ءبىلىم الۋدا. بىزدەر مەملەكەتتىك ءبىلىم ستاندارتىنا سايكەس، KazRoboQuest بالالار ۋنيۆەرسيتەتىنىڭ ورتا ءبىلىم بەرۋ نەگىزىندە ازىرلەنگەن باعدارلاما بويىنشا فاكۋلتاتيۆ ساباقتار جۇرگىزىپ جاتىرىمىز. مۇندا وقۋشىلار STEM centre اكادەمياسى بويىنشا 3 مودۋلدەن تۇراتىن وقۋ باعدارلاماسى نەگىزىندە بىلىمدەرىن ۇشتايتىن بولادى. فاكۋلتاتيۆ ساباقتار جۇرگىزەتىن 3 ينفورماتيكا ءپانىنىڭ ءمۇعالىمىن تالدىقورعان قالاسىنداعى IT ورتالىعىندا كۋرسقا جىبەرۋگە سۇرانىس بەرىپ قويعانىمىزدى اتاپ ايتۋعا بولادى. سونىمەن قاتار بورالداي كەنتىندەگى №40 ورتا مەكتەبى بازاسىندا IT مامانداردى دايارلاۋ ورتالىعىن اشۋدى جوسپارلاپ وتىرمىز.
جالپى، بارلىق پاندەردىڭ مۇعالىمدەرى مەن مەكتەپ ديرەكتورى جانە ونىڭ ورىنباسارلارىنىڭ قازىرگى زامانعى سيفرلىق تەحنولوگيالار مەن ءىت تەحنولوگيالاردى جانە ينتەربەلسەندى تاقتالاردى ءوز ساباقتارىندا ءتيىمدى پايدالانۋدى ۇيرەتۋ ماقساتىندا اۋدانداعى №13 ورتا مەكتەپ بازاسىندا «ينتەراكتيۆتى تەحنولوگيالار ورتالىعى» اتتى وقىتۋ ورتالىعى اشىلدى.
اۋدانداعى بارلىق ءپان مۇعالىمدەرىنىڭ ينتەراكتيۆتى تاقتانىڭ مۇمكىندىكتەرىن مەيلىنشە قولدانۋى ءۇشىن ءبىلىم ءبولىمى، اۋداندىق «نۇر وتان» پارتياسى فيليالى مەن «ينتەراكتيۆتى تەحنولوگيالار ورتالىعىمەن» ءۇش جاقتى مەموراندۋمعا قول قويىلدى.
ورتالىقتا اي سايىن 100 مۇعالىمنەن 10 اي بويى 1مىڭ ءمۇعالىمدى كۋرستان وتكىزبەكشى. بۇگىندە كۋرستان وتەتىن مۇعالىمدەر ءتىزىمى انىقتالىپ، كۋرستان ءوتۋ كەستەسى جاسالىپ، العاشقى 25 جاس مامان كۋرستان ءوتىپ جاتىر.
– بولاشاقتا اۋدانداعى باسقا ءبىلىم بەرۋ مەكەمەلەرىندە IT سىنىپتار اشۋ جوسپاردا بار ما؟
– ارينە. وسى جوبانى جۇزەگە اسىرۋ ماقساتىندا 2018 جىلدىڭ سوڭىنا دەيىن اۋدانىمىزداعى №26، №40، №36 ورتا مەكتەپتەرىندە IT سىنىپتار اشۋ جوسپارلانۋدا. قازىرگى تاڭدا №26 ورتا مەكتەپتە IT سىنىپقا كابينەت ءبولىنىپ، تالاپقا ساي ستەندتەرمەن بەزەندىرىلىپ، روبوتوتەحنيكاعا قاجەتتى قۇرالدار ساتىپ الىندى.
– جانايدار ءىت ماماندار وقۋشىلارعا قانداي باعىتتار بويىنشا ءبىلىم بەرەدى؟
– اۋدانىمىزدا اشىلعان، الداعى ۋاقىتتا اشىلاتىن ءىت سىنىپتاردا قازىرگى زامانعى ءىت تەحنولوگيالاردى قولدانۋ مەن ءبىلىم الۋىنا باعدارلامالاۋدىڭ نەگىزدەرى مەن روبوتوتەحنيكانى تەرەڭدەتىپ زەردەلەۋدى، قاراپايىم الگوريتمدەردى جاساۋدى، باعدارلامالار مەن WEB-سايتتار، كومپيۋتەرلىك ويىندار، انيماسيالار قۇرۋ داعدىلارىن مەڭگەرەتىن بولادى.
پەداگوگتاردىڭ سيفرلىق ساۋاتتىلىعىن ارتتىرۋ باعىتى بويىنشا
ساندىق تەحنولوگيا – تابىستى بولاشاقتىڭ كىلتى. سوندىقتان سيفرلى جانە اقپاراتتىق تەحنولوگيالاردى مەكتەپتەردە كەڭىنەن قولدانۋ ارقىلى ۇلكەن جوبالارعا قوسىلۋ قازىرگى زامانعى باستى مىندەتتەرىمىزدىڭ ءبىرى بولىپ تابىلادى.
سۇحباتتاسقان نۇرلان اۋباكىر
