– Janaıdar myrza, Almaty oblysynda IT synyptar ashylyp, jastarǵa sapaly bilim berý isi qolǵa alynǵanyn bilemiz. Bul baǵyttaǵy jumystar İle aýdanynda qalaı iske asyp jatyr?
– Aýdanymyzda 10 strategıalyq jobalaryn iske asyrý maqsatynda «Nur Otan» partıasynyń bastamashy bolýynyń arqasynda bilim salasyna qatysty bes jobany iske asyryp jatyrmyz. Sonyń biri hám biregeıi aýdanda balalarǵa arnalǵan aqysyz IT synyptar ashý jobasy boldy. Bul baǵytty bizder birinshi kezekte pedagog mamandardyń sıfrlyq saýattylyǵyn arttyrý baǵytynda biraz jumystar atqardyq.
Naqtyraq aıtsaq, ústimizdegi jyldyń 25 shildesinde Ótegen batyr kentindegi №24 lıseı bazasynda zamanaýı tehnıkamen jabdyqtalǵan IT synyby ashyldy. IT synybynda 14 jańa kompúterler ınternet jelisine qosylyp, robototehnıkaǵa arnalǵan quraldarmen qamtamasyz etildi. 2018-2020 jyldary 8-16 jas aralyǵyndaǵy 450 balany qamtyp, jyl saıyn 150 balany oqytýdy josparlap otyrmyz.
– IT kúrdeli sala ekeni belgili. Bul baǵytta bilim berýde qandaı da bir mekemelerdiń kómegine arqa súıeısizder me?
– Qazirgi tańda İT synypta 15 oqýshy bilim alýda. Bizder memlekettik bilim standartyna sáıkes, KazRoboQuest balalar ýnıversıtetiniń orta bilim berý negizinde ázirlengen baǵdarlama boıynsha fakúltatıv sabaqtar júrgizip jatyrymyz. Munda oqýshylar STEM centre akademıasy boıynsha 3 modýlden turatyn oqý baǵdarlamasy negizinde bilimderin ushtaıtyn bolady. Fakúltatıv sabaqtar júrgizetin 3 ınformatıka pániniń muǵalimin Taldyqorǵan qalasyndaǵy IT ortalyǵynda kýrsqa jiberýge suranys berip qoıǵanymyzdy atap aıtýǵa bolady. Sonymen qatar Boraldaı kentindegi №40 orta mektebi bazasynda IT mamandardy daıarlaý ortalyǵyn ashýdy josparlap otyrmyz.
Jalpy, barlyq pánderdiń muǵalimderi men mektep dırektory jáne onyń orynbasarlarynyń qazirgi zamanǵy sıfrlyq tehnologıalar men İT tehnologıalardy jáne ınterbelsendi taqtalardy óz sabaqtarynda tıimdi paıdalanýdy úıretý maqsatynda aýdandaǵy №13 orta mektep bazasynda «Interaktıvti tehnologıalar ortalyǵy» atty oqytý ortalyǵy ashyldy.
Aýdandaǵy barlyq pán muǵalimderiniń ınteraktıvti taqtanyń múmkindikterin meılinshe qoldanýy úshin bilim bólimi, aýdandyq «Nur Otan» partıasy fılıaly men «Interaktıvti tehnologıalar ortalyǵymen» úsh jaqty memorandýmǵa qol qoıyldy.
Ortalyqta aı saıyn 100 muǵalimnen 10 aı boıy 1myń muǵalimdi kýrstan ótkizbekshi. Búginde kýrstan ótetin muǵalimder tizimi anyqtalyp, kýrstan ótý kestesi jasalyp, alǵashqy 25 jas maman kýrstan ótip jatyr.
– Bolashaqta aýdandaǵy basqa bilim berý mekemelerinde IT synyptar ashý josparda bar ma?
– Árıne. Osy jobany júzege asyrý maqsatynda 2018 jyldyń sońyna deıin aýdanymyzdaǵy №26, №40, №36 orta mektepterinde IT synyptar ashý josparlanýda. Qazirgi tańda №26 orta mektepte IT synypqa kabınet bólinip, talapqa saı stendtermen bezendirilip, robototehnıkaǵa qajetti quraldar satyp alyndy.
– Janaıdar İT mamandar oqýshylarǵa qandaı baǵyttar boıynsha bilim beredi?
– Aýdanymyzda ashylǵan, aldaǵy ýaqytta ashylatyn İT synyptarda qazirgi zamanǵy İT tehnologıalardy qoldaný men bilim alýyna baǵdarlamalaýdyń negizderi men robototehnıkany tereńdetip zerdeleýdi, qarapaıym algorıtmderdi jasaýdy, baǵdarlamalar men WEB-saıttar, kompúterlik oıyndar, anımasıalar qurý daǵdylaryn meńgeretin bolady.
Pedagogtardyń sıfrlyq saýattylyǵyn arttyrý baǵyty boıynsha
Sandyq tehnologıa – tabysty bolashaqtyń kilti. Sondyqtan sıfrly jáne aqparattyq tehnologıalardy mektepterde keńinen qoldaný arqyly úlken jobalarǵa qosylý qazirgi zamanǵy basty mindetterimizdiń biri bolyp tabylady.
Suhbattasqan Nurlan Áýbákir
