«94 مىڭ وقۋشى گرانتقا تاپسىرادى. ال بٶلٸنگەن گرانت سانى 73 مىڭ. بەسەكە مٷلدەم جوق. 1 گرانتقا 1,5 مەكتەپ تٷلەگٸ تالاسقان. مەنٸڭ ويىمشا, پرەزيدەنتكە دۇرىس ۇسىنىس ايتىلمايدى نەمەسە جالعان اقپارات بەرٸلەدٸ. وسىنداي قاتە ۇسىنىستىڭ ارقاسىندا جاقسى وقيتىن دا, ٷلگەرٸمٸ ناشار دا گرانتقا يە بولادى. نەتيجەسٸندە ۋنيۆەرسيتەتتەر تٷسٸنٸكسٸز جاعدايدا قالادى», – دەيدٸ ەربولات مۇحامەدجان.
ول تاعى بٸر مەسەلە – مەملەكەت تٶلەيتٸن گرانت قۇنى نارىقتىق باعادان بٸرنەشە ەسە تٶمەن دەپ وتىر. مەملەكەت نارىقتىق جاعدايدى ەدٸلەتسٸز رەتتەيتٸنٸن ايتتى.
«مىسالى, ۇلتتىق ۋنيۆەرسيتەتتە گرانت قۇنى – 1 ميلليون 300 مىڭ تەڭگە, ال مەملەكەتتٸك – 900 مىڭ, جەكەمەنشٸككە – 700 مىڭ. ايتپاقشى, وسىدان 3 جىل بۇرىن 350 مىڭ بولىپ, سول كەزدەگٸ مينيستر قازٸرگٸ سوماعا كٶتەرگەن ەدٸ. ال وقۋ اقىسىنىڭ ٶزٸندٸك قۇنى - 1 -1,5 ميلليوننىڭ اراسى. بۇل مەسەلەنٸ جىلدام ارادا شەشپەسەك, كەرٸسٸنشە, جوعارى بٸلٸم سالاسىنا زييان تيگٸزەمٸز. سەبەبٸ مينيسترلٸك وسىنداي گرانتتىڭ قۇنىمەن ساپالى بٸلٸمدٸ تالاپ ەتۋٸ ورىنسىز. سونىمەن قاتار اقىلى وقيتىن ستۋدەنت جاتاقحانانى ەڭ سوڭعى بولىپ يەلەنۋ كەرەك», – دەيدٸ جۋرناليست.
ول بۇل مەسەلەنٸ شەشۋدٸڭ دۇرىس جولى بار ەكەنٸن ايتادى. بٸرٸنشٸدەن, گرانتتىڭ سانىن ازايتىپ, ارتىلعان سوماعا قۇنىن ٶسٸرۋ كەرەك دەپ سانايدى. سەبەبٸ, جىل سايىن گرانتتىڭ سانىن ٶسٸرگەننەن بٸلٸمنٸڭ ساپاسى جوعارىلامايدى.
كەرٸسٸنشە, ەرتەڭ مىقتى ۋنيۆەرسيتەتتەر گرانتقا تٷسۋدٸڭ شەكتٸ بالىن كٶبەيتٸپ, نەتيجەسٸندە ۇلتتىق جەنە مەملەكەتتٸك ۋنيۆەرسيتەتتەردەگٸ بٸلٸم ساپاسى ودان سايىن ناشارلاپ, جاعدايلارى قيىنداي تٷسەتٸنٸن جەتكٸزدٸ.
«ەكٸنشٸدەن, مينيسترلٸك عالىمداردى تٸكەلەي قارجىلاندىرۋدى قولعا الۋ كەرەك. سەبەبٸ گرانتتىق قارجىلاندىرۋ ارقىلى, كەرٸسٸنشە, كوررۋپتسييالىق تەۋەكەل بار. سونىمەن قاتار ول ٶز نەتيجەسٸن بەرمەيدٸ. ەگەر ۋنيۆەرسيتەتتەگٸ مىقتى عالىمداردى تٸكەلەي قارجىلاندىرسا, جاۋاپكەرشٸلٸكتٸ ارتتىرۋعا بولار ەدٸ. بۇل ۇسىنىستار جەكە ٶزٸمنٸڭ اتىمنان. مينيسترگە وسىعان دەيٸن دە ٶز ويىمدى جەتكٸزگەنمٸن. مەنٸڭ ويىمشا, مەسەلەنٸ جىلدام ارادا شەشپەسەك, سالاعا, كەرٸسٸنشە, زييان تيگٸزەمٸز», - دەيدٸ ەربولات مۇحامەدجان.
دەرەككٶز: qaz365.kz
