"بٸرٸنشٸ جاماۋباەۆتٸ قۇرتامىز". رەسەي قازاقستانداعى جاۋلارىنىڭ تٸزٸمٸن جاڭالادى
بۇل تۋرالى ەۋرازييالىق ەكونوميكالىق كوميسسيياعا جاقىن DALA INSIDE دەرەككٶزٸ حابارلادى.
ولار جاماۋباەۆتٸ اقش كوميسسارلارىنىڭ جەتەگٸندە كەتٸپ, رەسەيدٸڭ پاراللەلدٸ يمپورتىنا شەكتەۋ قويا الاتىن "تاۋارلاردى ونلاين باقىلاۋ" جٷيەسٸن ەنگٸزدٸ دەپ ايىپتاپ وتىر. جالپى, كرەملدٸڭ ويىنشا جاماۋباەۆ سانكتسييالاردى ورىنداۋدا سىلبىر قيمىلداۋدىڭ ورنىنا, تىم شيراق, بەلسەندٸ جۇمىس ٸستەۋدە.
ەندٸ ارمان شوراەۆ تٸزٸمدە ەكٸنشٸ ورىنعا تٷسٸپ قالدى. سونىمەن قاتار, رەسەيگە "دوس ەمەس" قازاقستان ازاماتتارىنىڭ تٸزٸمٸنە ساياساتتانۋشى دوسىم سەتباەۆ, ەكس-اقپارات مينيسترٸ اسقار ۋماروۆ, ەكس-كونسۋل مەيرام قاناپييا, سەناتور مۇحتار قۇل-مۇحاممەد, دەپۋتات اسحات ايماعامبەتوۆ, باس پروكۋرور بەرٸك اسىلوۆ (قازاقستاندا Z, V سيمۆوليكالارىنا تيىم سالۋ تۋرالى باستاماسى ٷشٸن), بلوگەر وڭعار قابدەن كٸرەدٸ.
انتيتٸزٸممەن قاتار, رەسەيدٸڭ دوستارى جازىلعان تٸزٸم دە بار.
رەسەيدٸ قولدايتىن, بولاشاقتا ماراپاتقا يە بولۋى تيٸس تۇلعالاردىڭ اراسىندا دەپۋتات ايدوس سارىم, ساياساتتانۋشىلار پەتر سۆويك, دانييار ەشٸمباەۆ, مارات شيبۇتوۆ, جۋرناليست اناستاسييا احمەتوۆا, دٸنتانۋشى مۇرتازا بۇلۇتايدى اتاپ ٶتۋگە بولادى.
وعان قوسا تٸزٸمدە تٷرلٸ ەسكەري جاستار كلۋبتارىنىڭ جەتەكشٸلەرٸ, ورىستٸلدٸ بٸرنەشە سايت رەداكتورلارى دا كەزٸگەدٸ.
سوڭعى ايدا كرەملدٸڭ ٸشٸندە ساياسي اگونييا ورىن الىپ جاتقاندىقتان, DALA INSIDE سولتٷستٸك كٶرشٸنٸڭ ٸشكٸ ساياسي كۋحنياسىن زەرتتەپ وتىر.
ادام باسىنا 5 مىڭ دوللار: كرەمل قازاقتاردى ۋكراين توپىراعىن تىڭايتۋعا شاقىرۋدا.
تولىعىراق وسى تۇستا: https://t.me/dalainside/1418
