ۇقك سىبايلاس جەمقورلىققا قارسى ءىس-قيمىل قىزمەتى تۇركىستان وبلىسىنىڭ ءبىرقاتار جەرگىلىكتى اتقارۋشى ورگاندارى باسشىلارىنا قاتىستى سوتقا دەيىنگى تەرگەۋ جۇرگىزىپ جاتىر، دەپ حابارلايدى Dalanews.kz..
قىزمەتكەرلەردىڭ ەڭبەگىنە اقى تولەۋگە بولىنگەن 191 ملن تەڭگە كولەمىندەگى بيۋدجەت قاراجاتىن باعىنىشتىسىمەن ءسوز بايلاسىپ ۇرلاعان قوعامدىق دامۋ باسقارماسىنىڭ باسشىسى بويىنشا تەرگەۋ شارالارى جۇرگىزىلىپ جاتىر.
"سونداي-اق، ۆەتەريناريالىق قىزمەتى باسقارماسى باسشىسىنىڭ قارجى-شارۋاشىلىق قىزمەتىن تەكسەرۋ ناتيجەلەرى بويىنشا وڭ قورىتىندى شىعارعانى ءۇشىن كوميسسيا وكىلدەرىنە 16 ملن تەڭگە مولشەرىندە پارا بەرۋ دەرەگى تەرگەلىپ جاتىر"، - دەپ جازىلعان حابارلامادا
سوتتىڭ سانكسياسىمەن كورسەتىلگەن تۇلعالار قاماۋدا.
