Fitch رەيتينگتىك اگەنتتىگى ەڭ جوعارى باعانى تمد ەلدەرى ىشىندە قازاقستاننىڭ بانك سەكتورىنا بەرىپ وتىر. بۇل نەمەن بايلانىستى ەكەنىن Dalanews.kz سايتىنان وقىپ-بىلە وتىرىڭىزدار.
"بولشەك نەسيەلەۋ قىزمەتىنە، سونىڭ ىشىندە جوعارى پايىزدىق سىياقى مولشەرلەمەر تابىسىنا ۇنەمى ءجىتى نازار اۋدارۋدىڭ ارقاسىندا قازاقستاننىڭ بانك سەكتورى 2025 جىلى دا جوعارى رەنتابەلدى بولىپ قالا بەرمەك"، دەلىنگەن Fitch شولۋىندا.
Fitch الداعى جىلى دا بۇل سەكتوردىڭ نەگىزگى ءتيىمدى كورسەتكىشتەرى سول كۇيىندە جوعارى بولىپ قالادى دەپ كۇتەدى. بانكتىك وپەراسيالارعا سالىناتىن سالىقتاردىڭ ىقتيمال ءوسىمى نەسيەلەندىرۋ سەكتورىنا ايتارلىقتاي اسەرى بولمايدى.
"بانكتەر بيىلعى جىلى تاعى دا جوعارى رەنتابەلدىلىكتى كورسەتتى: مەنشىكتى كاپيتالدىڭ ورتاشا رەنتابەلدىلىگى (ROE) 2024 جىلدىڭ 9 ايىندا 34% قۇراپ، 2022-2023 جىلدارداعى دەڭگەيلەرگە ساي كەلدى. بانكتەر ق ر ۇلتتىق بانكتىڭ بازالىق سىياقى مولشەرلەمەسىن اقىرىنداپ تومەندەتىپ (بيىل 150 پۋنتكە ءتۇستى) جاتقانىنا قاراماستان ءالى دە جوعارى نارىقتىق پايىزدىق مولشەرلەمەلەردەن پايدا كورۋدە"، دەلىنگەن حابارلامادا.
ۇلتتىق بانك ستاتيستيكاسىنا سايكەس، تەڭگە تۇرىندەگى جاڭادان تارتىلعان بولشەك نەسيەلەر بويىنشا ورتاشا پايىزدىق سىياقى مولشەرلەمەسى شامامەن 2024 جىلدىڭ 9 ايىندا 100 بازيستىك تارماققا ءوستى، ال بۇل ءوز كەزەگىندە نەسيەلەرگە دەگەن سۇرانىستىڭ جوعارى ەكەنىن تانىتادى، دەپ اتاپ ءوتتى Fitch.
دەگەنمەن اگەنتتىكتىڭ مالىمەتىنشە، 2024 جىلدىڭ 9 ايىنداعى ەسەپتەۋلەر تەڭگەدەي سالىنعان مەرزىمدى دەپوزيتتەر بويىنشا تۇراقتى ورتاشا ستاۆكالار 8% قۇرايتىن بانكتەردىڭ جىلدىق تازا پايىزدىق مارجاسىن قولدايتىنىن كورسەتەدى.
"بازالىق سەناريي بويىنشا قازاقستان بانكتەرىنىڭ تازا پايداسى 2023-2024 جىلدارداعى دەڭگەيلەرمەن سالىستىرعاندا جوعارى شىعىندار سيپاتىنداعى تاۋەكەلدەرگە بايلانىستى ازداپ تومەندەۋى مۇمكىن. بۇل رەتتە بانكتەر اكتيۆتەرىنىڭ ساپاسى قامتاماسىز ەتىلمەگەن تۇتىنۋشىلىق نەسيەلەندىرۋ ەسەبىنەن ناشارلايدى. ءبىز مۇنى قازاقستانداعى جوعارى تاۋەكەلدى سەگمەنت رەتىندە بورىشكەرلەردىڭ قارىز جۇكتەمەسىن ارتتىرا تۇسكەن 2021-2022 جىلدارعى قىسقا مەرزىمدى جانە جوعارى پايىزدىق مولشەرلەمەلەرمەن نەسيەلەندىرۋ وسىمىمەن ۇشتاستىرا قاراستىرامىز "، دەپ ەسەپتەيدى Fitch.
ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگىنىڭ تۇتىنۋشىلىق نەسيەلەندىرۋ وسىمىمەن كۇرەسۋگە باعىتتالعان سوڭعى شارالارى بانكتەردىڭ بولشەك نەسيەلەندىرۋ سالاسىنداعى تابەتىن تومەندەتۋى مۇمكىن. وسىعان بايلانىستى Fitch 2025 جىلى سەكتوردىڭ ورتاشا تاۋەكەل باعامى شامامەن 2% دەڭگەيىندە تۇراقتانادى دەپ كۇتەدى.
"سالىق سالىمىنا قاتىستى ىقتيمال وزگەرىستەر دە بانكتەردىڭ قىزمەتىنە تەرىس اسەر ەتۋى مۇمكىن، ءبىراق ول شەكتەۋلى بولادى دەپ كۇتەمىز... قالاي دەگەنمەن دە ءبىزدىڭ ويىمىزشا، قازاقستاندىق بانكتەر جىلدان جىلعا كولەمى ارتىپ كەلە جاتقان سالىق شىعىندارىن كوميسسيالار تۇرىندە ءوز تۇتىنۋشىلارىنان ءوندىرىپ الادى"، - دەلىنگەن اگەنتتىك حابارلاماسىندا.
قازاقستاننىڭ بانك سەكتورى ءۇشىن Fitch بەرىپ وتىرعان وپەراسيالىق ورتا رەيتينگى bb + قۇرايدى، بولجام - تۇراقتى. ال بۇل Fitch رەيتينگى ۇسىنعان تمد ەلدەرىنىڭ بانك سەكتورلارى اراسىندا ەڭ جوعارى كورسەتكىش ەكەنىن ەسكە سالامىز.
